गैडहवा गाउँपालिकाको अध्यक्ष र उपाध्यक्षमा एमाले विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

गैडहवा गाउँपालिकाको अध्यक्ष र उपाध्यक्षमा एमाले विजयी

सन्जु पौडेल

तिलोत्तमा — रुपन्देहीको गैडहवा गाउँपालिकाको अध्यक्ष र उपाध्यक्ष दुवै पदमा नेकपा एमालेका उम्मेदवार विजयी भएका छन् । अध्यक्षमा एमालेका सुरेन्द्र पौडेल र उपाध्यक्षमा माधुरी जैसवाल निर्वाचित भएकी हुन् ।

अध्यक्षमा निर्वाचित पौडेलले ५ हजार ६ सय ३१ मत प्राप्त गरे । उनका निकटतम प्रतिद्वन्द्वी नेपाली कांग्रेसका बसिउल्लाह मुसलमानले ४ हजार ३ सय ८८ मत ल्याएको निर्वाचन अधिकृतको कार्यालयले जनाएको छ । यस्तै, उपाध्यक्षमा एमालेकी माधुरी जैसवाल ४ हजार ७ सय ५७ मत ल्याई विजयी भएकी छन । नेपाली कांग्रेसकी मन्जु न्यौपानेले ४ हजार ६ सय ५९ मत प्राप्त गरिन् ।

गैडहवा गाउँपालिकाको वडा नम्बर १ मा एमालेका प्रदीप कुमार चौधरी ९ सय १ मतसहित विजयी भएका छन् । उनका निकटतम प्रतिद्वन्द्वी कांग्रेसका निशार मुसलमान फकिरले ७ सय १४ मत पाए । वडा नम्बर २ मा जनमत पार्टीका सराजुद्धिन धुनिया ५ सय ७८ मत ल्याई विजयी भएका छन् । उनका निकटतम प्रतिद्धन्द्धी लोसपाका कडक बहादुर अहिरले ५ सय ६२ मत प्राप्त गरे । वडा नम्बर ३ मा गुलाब चुनाव चिन्हबाट स्वतन्त्र उम्मेदवार राम अजोर यादव ५ सय १० मत सहित विजयी भएका छन् ।

यस्तै, वडा नम्बर ४ मा नेपाली कांग्रेसका सुरेन्द्रसिंह कुर्मी, वडा नम्बर ५ मा कांग्रेसकै विजय कुमार शर्मा, वडा नम्बर ६ मा कांग्रेसकै राजकुमार लोध वडाध्यक्षमा निर्वाचित भएका छन् । वडा नम्बर ७ मा जनमत पार्टीका लाल बहादुर यादव ७ सय १ मत सहित विजयी भए । वडा नम्बर ८ मा एमालेका भुवन बहादुर राना मगर वडा अध्यक्षमा दोहोरिएका छन् । उनका निकटतम प्रतिद्वन्द्वी कांग्रेसका बबर अली धुनियाले ५ सय ४४ मत पाए । वडा नम्बर ९ मा एमालेकी मिना क्षेत्री विजयी भएकी छन् । क्षेत्रीले ५ सय ९६ मत प्राप्त गर्दा उनका प्रतिस्पर्धी कांग्रेसका टेकबहादुर बलालले ५ सय १२ मत ल्याइन् ।

प्रकाशित : जेष्ठ ६, २०७९ १९:४०
प्रतिक्रिया
पठाउनुहोस्

विराटनगरको मेयरमा कांग्रेसका कोइराला र उपमेयरमा एमालेकी कार्कीको जित सुनिश्चित

विनोद भण्डारी

विराटनगर — विराटनगर महानगरपालिकाको मेयरमा गठबन्धनका उम्मेदवार र गठबन्धनवाहिरको एमालेकी उपमेयर उम्मेदवार जित नजिक पुगेका छन । ७ हजार मत गणना हुन बाँकी रहँदा गठबन्धनबाट मेयरका उम्मेदवार कांग्रेसका नागेश कोइराला र एमालेवाट उमपेयरकी उम्मेदवार शिल्पा निराला कार्की जितनजिक पुगेका हुन् ।

यहाँ गठबन्धनका उपमेयरका उम्मेदवार जसपा अध्यक्ष उपेन्द्र यादवका पुत्र अमरेन्द्र यादव कार्कीभन्दा झन्डै आधा मतले पछि छन ।

कुल ८९ हजार ६७८ मत झरेको विराटनगरमा शुक्रबार साँझ सम्म ८२ हजार ५२७ मत गणना हुँदा गठबन्धनका कोइरालाले २७ हजार २६४ मत पाएका छन् । उनका प्रत्यासी एमालेका सागरकुमार थापाले २० हजार ७९ मत पाउँदा कोइराला विजयी नजिक पुगेका हुन् । गणना गर्न बाँकी रहेको मतमा कोइरालालाई मत नै नपर्दा मात्र थापाको जित सम्भव हुने स्थिति छ ।

त्यसैगरी उपमेयरमा एमालेकी कार्कीले २३ हजार ६३१ मत पाउँदा गठबन्धनका यादवले १३ हजार २३४ मत मात्र पाउँदा कार्की पनि जितनजिक पुगेकी हुन । गणना गर्न बाँकी रहेको सवै मत यादवलाई परे पनि उनी विजय हुँदैनन् । यही मत आँकडाले मतगणनास्थल आर्दश माध्यामिक विद्यालयबाहिर सम्भावित विजयी मेयर र उपमेयरका उम्मेदवारलाई बधाई दिन सुरु भएको छ ।

प्रमुख निर्वाचन अधिकृत कार्यालयका सूचना अधिकृत हेमबहादुर बुढाथोकीका अनुसार महानगरको मतगणना शुक्रबार रातिसम्ममा सक्ने तयारी गरिएको छ ।

प्रकाशित : जेष्ठ ६, २०७९ १९:३१
पूरा पढ्नुहोस्
प्रतिक्रिया
पठाउनुहोस्
×