कपिलवस्तुको बुद्धभूमिको मेयर र उपमेयरमा कांग्रेस विजयी- स्थानीय तह निर्वाचन २०७९ - कान्तिपुर समाचार

कपिलवस्तुको बुद्धभूमिको मेयर र उपमेयरमा कांग्रेस विजयी

मनोज पौडेल

कपिलवस्तु — पूर्व–पश्चिम राजमार्गमा पर्ने कपिलवस्तुको बुद्धभूमि नगरपालिका नगर प्रमुख/उपप्रमुखमा कांग्रेस उम्मेदवार विजयी भएका छन् । 

कांग्रेसका केशवकुमार श्रेष्ठले नेकपा एमालेका पिताम्बर खनाललाई ७८८ मतान्तरले पराजित गरे । श्रेष्ठ १४ हजार ३८४ मत ल्याई विजयी बनेका हुन् । उनका निकटतम् प्रतिद्वन्द्वी खनालले १३ हजार ५९६ मत ल्याएका थिए ।

त्यस्तै उपप्रमुखमा कांग्रेसकै मीरा थारु विजयी भएकी छिन् । उनले १४ हजार २८३ मत ल्याई विजयी भएकी हुन् । उनका निकटतम् प्रतिद्वन्द्वी एमालेकी मन्जु चौधरीले १३ हजार ७१५ मत ल्याएकी थिइन् ।

विजयी दुवै जना ०७४ सालको स्थानीय निर्वाचनमा पनि विजयी भएका थिए । जिल्लाको ७ वटा स्थानीय तहको परिणाम आउँदा काग्रेसको तेस्रो जित हो । ३ स्थानीय तहको मतगणना भइरहेको छ । यहाँ १० स्थानीय तह छन् ।

प्रकाशित : जेष्ठ ६, २०७९ १८:१६
प्रतिक्रिया
पठाउनुहोस्

कपिलवस्तुको कृष्णनगर नगरपालिकामा कांग्रेस विजयी

मनोज पौडेल

कपिलवस्तु — कपिलवस्तुको कृष्णनगर नगरपालिकाको प्रमुख र उपप्रमुखमा नेपाली कांग्रेसका उम्मेदवार विजयी भएका छन् । नेपाल-भारत सीमासँग सटेर रहेको नगरपालिकाको प्रमुखमा कांग्रेसका रजतप्रताप शाहले राप्रपाका दीपक रजौरियालाई एक हजार ४ सय ९४ मतान्तरले पराजित गरे । 


शाहले ५ हजार ६०६ मत ल्याई विजयी बनेका हुन् । उनका निकटतम प्रतिद्वन्द्वी रजौरियाले ४ हजार १ सय १२ मत ल्याएका थिए । त्यस्तै उपप्रमुखमा कांग्रेसकै आरतीदेवी चौधरी विजयी भएकी छन् ।

उनले ५ हजार ६ सय ९१ मत ल्याई विजयी भएकी हुन् । उनका निकटतम प्रतिद्वन्द्वी जनता समाजवादी पार्टीकी आरतीसिंह यादवले ३ हजार २ सय ८२ मत ल्याएकी थिइन् । जिल्लाको ६ वटा स्थानीय तहको परिणाम आउँदा काग्रेसको दोस्रो जित हो । ४ स्थानीय तहको मतगणना भइरहेको छ । यहाँ १० स्थानीय तह छन् ।

प्रकाशित : जेष्ठ ६, २०७९ १३:०९
पूरा पढ्नुहोस्
प्रतिक्रिया
पठाउनुहोस्
×