सर्लाहीको ईश्वरपुरमा कांग्रेसका आचार्य र चौधरी विजयी - स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

सर्लाहीको ईश्वरपुरमा कांग्रेसका आचार्य र चौधरी विजयी 

ओमप्रकाश ठाकुर

सर्लाही — सर्लाहीको ईश्वरपुर नगरपालिकामा मेयर तथा उपमेयरमा नेपाली कांग्रेसका मनोजकुमार आचार्य र रंजितादेवी चौधरी निर्वाचित भएका छन् ।

कांग्रेसका उम्मेदवार आचार्य र चौधरीले एमालेका उम्मेदवार रहेको निवर्तमान मेयर मनोजकुमार देवकोटा तथा उपमेयर एकावतीदेवी चौधरीलाई फराकिलो मतले हराएका हुन् ।

आचार्य ८ हजार ४ सय ८० मतसहित मेयरमा निर्वाचित भएका हुन् । उनले नेकपा एमालेका उम्मेदवार समेत रहेका निवर्तमान मेयर मनोजकुमार देवकोटालाई २ हजार ५ सय २० मतान्तरले पराजित गरेका हुन् । देवकोटाले ५ हजार ९ सय ६० मत ल्याए ।

यस्तै उपमेयरमा कांग्रेसकै चौधरी ८ हजार २ सय ६८ मत ल्याई विजयी भइन् । उनकी निकटतम प्रतिद्वन्द्वी एमालेकी एकावतीदेवी ६ हजार ३ सय ५३ मत प्राप्त गरिन् । चौधरीले निवर्तमान उपमेयर एकावतीदेवीलाई पराजित गरेकी हुन् ।

१५ वडा रहेको ईश्वरपुरमा ६ वटा वडामा कांग्रेस, ६ वडामा एमाले जसपा, लोसपा र माओवादी एक/एक वडामा विजयी भएका छन् ।

प्रकाशित : जेष्ठ ६, २०७९ १४:१६
प्रतिक्रिया
पठाउनुहोस्

सर्लाहीको चक्रघट्टा गाउँपालिका अध्यक्षमा जसपाका यादव विजयी

ओमप्रकाश ठाकुर

सर्लाही — सर्लाहीको चक्रघट्टा गाउँपालिकाको अध्यक्ष तथा उपाध्यक्ष दुबै पदमा जनता समाजवादीका उम्मेदवार विजयी भएका छन् । चक्रघट्टा गाउँपालिकाको अध्यक्षमा जसपाका कृष्णकुमार यादव विजयी भए । नेपाली कांग्रेसका उम्मेदवार रामजी साहलाई पराजित गर्दै जसपाका उम्मेदवार यादव निर्वाचित भएका हुन् ।

यादवले ५ हजार ९ मत १५ मत पाए भने उनका निकटतम प्रतिद्वन्द्वी कांग्रेसका साहले ३ हजार ५ सय २१ मत प्राप्त गरे । निवर्तमान गाउँपालिकाका अध्यक्ष माओवादी केन्द्रका उम्मेदवार विक्रम यादवले भने २ हजार १ सय ४४ मत ल्याए । यस्तै उपाध्यक्षमा जसपाकै मिनादेवी राय ५ हजार ८१५ मत ल्याई विजयी भइन् । उनकी निकटतम प्रतिद्वन्द्वी कांग्रेसकी विमल जयसवालले ३ हजार ७ सय ६० मत पाइन् । नौ वडा रहेको चक्रघट्टामा ६ वडामा जसपा, २ वडामा माओवादी केन्द्र तथा १ वडामा नेपाली कांग्रेस विजयी भएको छ ।


प्रकाशित : जेष्ठ ६, २०७९ १०:२९
पूरा पढ्नुहोस्
प्रतिक्रिया
पठाउनुहोस्
×