पर्साको जगरनाथपुर अध्यक्षमा कांग्रेस विजयी, मुख्यमन्त्रीकी श्रीमती उपाध्यक्षमा पराजित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

पर्साको जगरनाथपुर अध्यक्षमा कांग्रेस विजयी, मुख्यमन्त्रीकी श्रीमती उपाध्यक्षमा पराजित

भूषण यादव

वीरगन्ज — पर्साको जगरनाथपुर गाउँपालिका अध्यक्षमा कांग्रेसका श्रीकान्त यादव निर्वाचित भएका छन् । यादवले निकटतम प्रतिद्वन्द्वी एमालेका उम्मेदवार महमद सलिम मंसुरलाई १ हजार ८ सय २३ मतान्तरले पराजित गरेका हुन् । 

पर्सा कांग्रेस क्षेत्र नम्बर ४ को सभापतिसमेत रहेका यादवले ५ हजार ७ सय ४९ मत ल्याएका छन् भने मंसुरले ३ हजार ९ सय २६ मत पाएका छन् । जनता समाजवादी पार्टीका कृष्णमोहन यादवले ३ हजार ४ सय ४७ मत ल्याएर तेस्रो भएका छन् ।

यसैगरी गाउँपालिका उपाध्यक्षमा कांग्रेसकै बबिता सिंह निर्वाचित भएकी छन् । सिंहले निकटतम प्रतिद्वन्द्वी एमालेकी मिरादेवी कुर्मीलाई २ हजार १ सय ८६ मतान्तरले पराजित गरेकी छन् । सिंहले ५ हजार ५३१ मत ल्याएकी छन् भने कुर्मीले ३ हजार ३ सय ४५ मत प्राप्त गरेकी छन् ।

जसपाकी जलेखा खातुनले ३ हजार १ सय २३ मत ल्याएर तेस्रो स्थानमा सीमित रहिन् । खातुन मधेस प्रदेशका मुख्यमन्त्री लालबाबु राउत गद्दीकी श्रीमती हुन् ।

प्रकाशित : जेष्ठ ६, २०७९ १३:०१
प्रतिक्रिया
पठाउनुहोस्

बर्जर पेन्ट्सले ल्यायो ‘उपहार वर्षा’ योजना

कान्तिपुर संवाददाता

काठमाडौँ — बर्जर पेन्ट्स नेपालले 'बर्जर उपहारको वर्षा' योजना सार्वजनिक गरेको छ ।  नेपालमा २ दशकदेखि पेन्टहरुमा एक परिचित ब्राण्ड हो- बर्जर । बर्जर पेन्ट्सले जेठ १ गतेदेखि प्रि–मनसुन ग्राहक योजना ‘बर्जर उपहारको वर्षा’ ल्याएको हो । यस योजना अन्तर्गत ७५ हजार रुपैयाँ मूल्य बराबरको बर्जर पेन्ट्सको कुनै पनि इमल्सन उत्पादन खरिद गरेमा ग्राहकले स्योर सट पुरस्कार जित्न सक्ने कम्पनीले जनाएको छ ।

लक्की ड्र मार्फत एक भाग्यशाली विजेताले बम्परमा रोयल इनफिल्ड बुलेट बाइक जित्न सक्नेछन् । अन्य बम्पर पुरस्कारमा सीजी ४३ इन्च टीभी, सामसुङ ७.५ केजी टप लोडिङ वासिङ मेसिन, भिडियोकन १९० लिटर फ्रिज र सीजी भ्याकुम क्लिनर रहेका छन् । यो योजना बर्जरको वेदरकोट लङ लाइफ, वेदरकोट अलगार्ड फेमिली, वेदरकोट च्याम्प, वेदरकोट एन्टी–डस्ट, वेदरकोट स्मुथ, वालमस्ता, वालमस्ता लाइट एक्सटेरियर इमल्सन तथा इन्टेरियर इमल्सनतर्फ सिल्क ब्रिथ इजी, सिल्क ग्ल्यामर, सिल्क लक्जरी, इजी क्लिन फ्रेस, इजी क्लिन परिवार, बाईसन इमल्सन परिवार र बाईसन लाइट इमल्सनमा लागू हुने कम्पनीले जनाएको छ । बर्जरका उत्पादनमा कुनै लेड, मर्करी तथा क्रोमियमजस्ता हानिकारक तत्व नरहेको कम्पनीको दावी छ ।


प्रकाशित : जेष्ठ ६, २०७९ १२:५५
पूरा पढ्नुहोस्
प्रतिक्रिया
पठाउनुहोस्
×