दुहबी नगरपालिकाको मेयरमा दोहोरिए कांग्रेसका गच्छदार, उपमेयरमा पोखरेल निर्वाचित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

दुहबी नगरपालिकाको मेयरमा दोहोरिए कांग्रेसका गच्छदार, उपमेयरमा पोखरेल निर्वाचित

अर्जुन सुवेदी

काठमाडौँ — सुनसरीको दुहबी नगरपालिकाको मेयरमा नेपाली कांग्रेसका बेद नारायण गच्छदार दोहोरिएका छन् । उपमेयरमा मेनुका पोखरेल खतिवडा निर्वाचित भएकी छन् । मेयर निर्वाचित गच्छदारले निकटतम प्रतिद्वन्द्वी नेकपा एमालेका उम्मेदवार बिनय कुमार पोखरेललाई ४ सय ५५ मतान्तरले पराजित गरे ।

गच्छदारले ११ हजार ९ सय १६ मत प्राप्त गर्दा पोखरेलले ११ हजार ४ सय ६१ मत मात्र प्राप्त गरे । मतगणनाको सुरूवातदेखि पोखरेलले अग्रता बनाएका थिए । उपमेयरमा कांग्रेसकी उम्मेदवार मेनुकाले ११ हजार ९६ मत ल्याएर बिजयी बनिन् । उनको निकटम प्रतिद्वन्द्वी जनता समाजवादी पार्टीका सरोज कुमार सिंहले ५ हजार ४४ मत ल्याए ।


प्रकाशित : जेष्ठ ६, २०७९ ०८:१७
प्रतिक्रिया
पठाउनुहोस्

सुनसरीको रामधुनी नगरमा एमाले उम्मेदवार निर्वाचित

अर्जुन सुवेदी

सुनसरी — सुनसरीको रामधुनी नगरपालिकाको मेयर र उपमेयरमा नेकपा एमालेका शंकरलाल चौधरी र तारा थापा निर्वाचित भएका छन् । एमालेका उम्मेदवार चौधरीले १३ हजार ७ सय ७२ मत ल्याएर निर्वाचित हुँदा उनका निकटम प्रतिद्वन्द्वी नेपाली कांग्रेसका सुदीप अधिकारीले ११ हजार ४ सय ३५ मत प्राप्त गरे । 

उपेयरमा थापाले १३ हजार १ सय २८ मत ल्याएर निर्वाचित हुँदा निकटम प्रतिद्वन्द्वी कांग्रेसकी उम्मेदवार आशाकुमारी चौधरीले १० हजार ४ सय ९३ मतमात्र ल्याइन् । यसअघि २०७४ को स्थानीय तह निर्वाचनमा मेयर जितेको कांग्रेसले यस पटकको निर्वाचनमा उक्त पद गुमाएको छ । उपमेयर भने एमालेले जितेको थियो ।


प्रकाशित : जेष्ठ ५, २०७९ २२:३३
पूरा पढ्नुहोस्
प्रतिक्रिया
पठाउनुहोस्
×