कन्चनरुपको मेयर र उपमेयरमा कांग्रेस निर्वाचित
राजविराज — सप्तरीको कन्चनरुप नगरपालिकाको मेयर र उपमेयरमा नेपाली कांग्रेसका उम्मेदवार निर्वाचित भएका छन् । मेयरमा ललनप्रसाद गुप्ता र उपमेयरमा मुनाकुमारी पोखरेल निर्वाचित भएका हुन् ।
घोषित मतपरिणाम अनुसार मेयरमा निर्वाचित गुप्ताले ७ हजार ८ सय ८९ मत प्राप्त गरेका छन् । उनका निकटतम प्रतिस्पर्धी जनता समाजवादी पार्टीका भोलाकुमार पासमानले ५ हजार ७ सय ४ मत प्राप्त गरे ।
मेयरमा निर्वाचित गुप्ता ०७४ को स्थानीय तह निर्वाचनमा झिनो मत अन्तरले पराजित भएका थिए । यस्तै उपमेयरमा कांग्रेसकी मुनाकुमारी पोखरेल निर्वाचित भएकी छन् । उनले ५ हजार ५ सय ४७ मत प्राप्त गरिन् । निकटतम प्रतिस्पर्धी एमालेकी कल्पना चौधरीले ५ हजार ५ सय ४७ मत पाइन् ।
प्रकाशित : जेष्ठ ६, २०७९ ०८:१८