१९.१२°C काठमाडौं
सप्तरीको खडग नगरपालिकाकको मेयरमा माओवादी, उपमेयरमा जसपा
राजविराज — अघिल्लो स्थानीय तहको निर्वाचनमा वडा तहमै मात्र सीमित नेकपा माओवादी केन्द्रले सप्तरीमा प्रमुखमा खाता खोलेको छ । खडग नगरपालिकाको प्रमुखमा माओवादी केन्द्रका जयप्रकाश चौधरी थारु निर्वाचित भएसँगै माओवादीले खाता खोलेको हो । निवर्तमान मेयर जसपाका हेमायु हकलाई पराजित गर्दै थारु मेयरमा निर्वाचित भएका हुन् ।
निर्वाचित मेयर थारुले ५ हजार ८ सय ८२ मत प्राप्त गरे । उनका निकटतम प्रतिद्वन्द्वी निवर्तमान मेयर जसपाका हेमायु हकले ५ हजार ६७ मत प्रात गरेका छन् ।
यस्तै, खडग नगरपालिकाको उपमेयरमा भने जसपाले जित निकालेको छ । जसपाकी रिताकुमारी चौधरीले ६ हजार २ सय ३१ मत प्राप्त गर्दै उपमेयरमा निर्वाचित भएकी हुन् । उनकी निकटतम प्रतिद्वन्द्वी नेपाली कांग्रेसकी यसमिन सुल्तान खातुनले ३ हजार २ सय १० मत प्राप्त गरिन् ।
प्रतिक्रिया
