सप्तरीको खडग नगरपालिकाकको मेयरमा माओवादी, उपमेयरमा जसपा- स्थानीय तह निर्वाचन २०७९ - कान्तिपुर समाचार

सप्तरीको खडग नगरपालिकाकको मेयरमा माओवादी, उपमेयरमा जसपा

अवधेशकुमार झा

राजविराज — अघिल्लो स्थानीय तहको निर्वाचनमा वडा तहमै मात्र सीमित नेकपा माओवादी केन्द्रले सप्तरीमा प्रमुखमा खाता खोलेको छ । खडग नगरपालिकाको प्रमुखमा माओवादी केन्द्रका जयप्रकाश चौधरी थारु निर्वाचित भएसँगै माओवादीले खाता खोलेको हो । निवर्तमान मेयर जसपाका हेमायु हकलाई पराजित गर्दै थारु मेयरमा निर्वाचित भएका हुन् ।

निर्वाचित मेयर थारुले ५ हजार ८ सय ८२ मत प्राप्त गरे । उनका निकटतम प्रतिद्वन्द्वी निवर्तमान मेयर जसपाका हेमायु हकले ५ हजार ६७ मत प्रात गरेका छन् ।

यस्तै, खडग नगरपालिकाको उपमेयरमा भने जसपाले जित निकालेको छ । जसपाकी रिताकुमारी चौधरीले ६ हजार २ सय ३१ मत प्राप्त गर्दै उपमेयरमा निर्वाचित भएकी हुन् । उनकी निकटतम प्रतिद्वन्द्वी नेपाली कांग्रेसकी यसमिन सुल्तान खातुनले ३ हजार २ सय १० मत प्राप्त गरिन् ।


प्रकाशित : जेष्ठ ५, २०७९ २२:४७
प्रतिक्रिया
पठाउनुहोस्

वलान-विहुल गाउँपालिकामा जनमत पार्टीका उम्मेदवार विजयी

अवधेशकुमार झा

राजविराज — सप्तरीको वलान-विहुल गाउँपालिकाको अध्यक्ष र उपाध्यक्षमा सिके राउत नेतृत्वको जनमत पार्टीका उम्मेदवार निर्वाचित भएका छन् । जनमत पार्टीका गाउँपालिका अध्यक्षका उम्मेदवार खेमचन्द्र यादव र उपाध्यक्षका उम्मेदवार रेणु यादव विजयी भएका हुन् ।

अध्यक्षमा निर्वाचित यादवले २ हजार ९ सय ९४ मत प्राप्त गरेका छन् । यस अघि हनुमाननगर कंकालिनी नगरपालिकाको मेयरमा जनमत पार्टीका वीरेन्द्र माझी निर्वाचित भएका थिए ।

वलान-विहुल गाउँपालिकाको अध्यक्षमा निर्वाचित यादवका निकटतम प्रतिद्वन्द्वी नेपाली कांग्रेसका नवीनकुमार झाले २ हजार २ सय ४७ मत प्राप्त गरेका थिए ।

त्यस्तै, उपाध्यक्षमा निर्वाचित यादवले २ हजार ६ सय ९० मत प्राप्त गरेकी छन् । उपाध्यक्षकी प्रतिस्पर्धी कांग्रेसकी आशदेवी मण्डलले २ हजार ३ सय ४ मत प्राप्त गरेकी छन् ।

प्रकाशित : जेष्ठ ५, २०७९ ०८:४३
पूरा पढ्नुहोस्
प्रतिक्रिया
पठाउनुहोस्
×