वीरेन्द्रनगर नगरपालिकाको मेयर र उपमेयरमा एमाले विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

वीरेन्द्रनगर नगरपालिकाको मेयर र उपमेयरमा एमाले विजयी

चाँदनी कठायत

वीरेन्द्रनगर — कर्णाली प्रदेशको राजधानी सुर्खेतको वीरेन्द्रनगर नगरपालिकाको मेयरमा मोहनमाया ढकाल विजयी भएकी छन् । नेकपा एमालेका तर्फबाट उम्मेदवार बनेकी ढकाल निवर्तमान उपप्रमुख हुन् ।

उनले कांग्रेसका गठबन्धनका उम्मेदवार उपेन्द्रबहादुर खड्कालाई पराजित गरेकी हुन् । ढकालले १६०३८ मत प्राप्त गरी विजयी हुँदा उनका निकटतम् प्रतिद्वन्द्वी खड्काले १५४८४ मत प्राप्त गरी पराजित भए । ढकालले खड्कालाई ५५४ मत अन्तरले पराजित गरिन् । यस्तै राष्ट्रिय प्रजातन्त्र पार्टीका मुकुन्दश्याम गिरीले ९९८८ मत प्राप्त गरी पराजित भए ।

यस्तै, नगरपालिकाको उप-प्रमुखमा पनि एमालेका नीलकण्ठ खनाल विजयी भएका छन् । उनले २०३६४ मत ल्याएर विजयी हुँदा गठबन्धनबाट माओवादीकी उम्मेदवार शान्ति ढकालले ११५३३ ल्याएकी छन् ।

यस्तै राप्रपाकी लक्ष्मीकुमारी सार्कीले ३६९७ मत प्राप्त गरेकी थिइन् । खनाल अघिल्लो स्थानीय तहको निर्वाचनमा वीरेन्द्रनगर वडा नं. ४ का निर्वाचित वडाध्यक्षसमेत हुन् ।

प्रकाशित : जेष्ठ ५, २०७९ १७:१५
प्रतिक्रिया
पठाउनुहोस्

गोदावरीको अध्यक्षमा कांग्रेसका महर्जन विजयी

कान्तिपुर संवाददाता

काठमाडौँ — गोदावरी नगरपालिका अध्यक्षमा नेपाली कांग्रेस उम्मेदवार गजेन्द्र महर्जन १९ हजार १ सय ७० मत ल्याई विजयी भएका छन् ।

उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार गम्भिरबहादुर रानालाई ३ हजार ९ सय ३८ मतान्तरले पराजित गरेका हुन् । पराजित गम्भिरबहादुर रानाले १५ हजार २ सय ३२ मत ल्याएका छन् ।

यस्तै, उपप्रमुखमा नेपाली कांग्रेसका उम्मेदवार मुना अधिकारी १८ हजार ५ सय २६ मतसहित विजयी भएका छन् । उनका निकटतम् प्रतिद्वन्द्वी नेपाल कम्युनिष्ट पार्टी (एमाले)का उम्मेदवार रमी प्रधानाङ्गले १४ हजार ३ सय ५ मत ल्याएका छन् ।

प्रकाशित : जेष्ठ ५, २०७९ १७:०६
पूरा पढ्नुहोस्
प्रतिक्रिया
पठाउनुहोस्
×