धनपालथान गाउँपालिकामा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

धनपालथान गाउँपालिकामा कांग्रेस विजयी

देवनाराण साह

मोरङ — मोरङको धनपालथान गाउँपालिका प्रमुखमा नेपाली कांग्रेसका उम्मेदवार जिवछप्रसाद गच्छदार ६ हजार ३ सय २९ मत ल्याई विजयी भएका छन् ।

उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार मुसहरु मण्डललाई २ सय ७१ मतान्तरले पराजित गरेका हुन् । पराजित मुसहरु मण्डलले ६ हजार ५८ मत ल्याएका छन् ।

यस्तै, उपाध्यक्षमा नेपाली कांग्रेसकी उम्मेदवार नसीमा बानो ६ हजार २ सय ८४ मतसहित विजयी भएकी छन् । उनकी निकटतम् प्रतिद्वन्द्वी नेपाल कम्युनिष्ट पार्टी (एमाले)का उम्मेदवार उपासी राजवंशीले ५ हजार ७ सय ६७ मत ल्याएकी छन् ।

प्रकाशित : जेष्ठ ५, २०७९ १६:१३
प्रतिक्रिया
पठाउनुहोस्

गठबन्धनको आयु असार १७ गते अन्त्य हुन्छ : ओली

देवनाराण साह

मोरङ — नेकपा एमालेका अध्यक्ष केपी शर्मा ओलीले पाँचदलीय सत्ता गठबन्धन अब धेरै नटिक्ने दाबी गरेका छन् । उनले आगामी असार १७ गते नै गठबन्धनको आयु अन्त्य हुने जिकिर गरे ।

गठबन्धन दलहरूलाई लक्षित गर्दै उनले एमालेसँग एक्लै लड्ने हिम्मत नभएका दलहरूले देश बनाउन नसक्ने पनि बताएका थिए । ‘एमाले एक्लै लड्छ र गठबन्धनका पाँचै भाइलाई वैशाख ३० गतेपछि एउटै बट्टामा प्याक गर्छ,’ नेता ओलीले भने ।

एमाले विराटनगर महानगर कमिटीले शनिबार आयोजना गरेको चुनावी सभालाई सम्बोधन गर्दै ओलीले यस्तो बताएका हुन् । ‘प्रधानमन्त्री तथा कांग्रेस सभापति शेरबहादुर देउवाजी ज्योतिषीमा धेरै विश्वास गर्नुहुन्छ । त्यसैले जेठ र असारको महिना कस्तो छ, बोलाएर सोध्नु होस्,’ उनले भने, ‘असार १७ गते कस्ता नक्षत्र र ग्रहहरु छन्, ज्योतिषीलाई बोलाएर हेर्नु होस् भनेको छु, बिचराहरुको सातो गएको छ होला ।’

यद्यपि उनले असार १७ गतेको सन्दर्भबारे विस्तृतमा खुलाएनन् । ओलीले शनिबार एकै दिन विभिन्न चार ठाउँमा आयोजित चुनावी सभालाई सम्बोधन गरेका थिए। उनले सुनसरीको इटहरी र धरान र मोरङको विराटनगर र विराटचोकमा एमालेले आयोजना गरेको चुनावी सभालाई सम्बोधन गरेका हुन् ।

प्रकाशित : वैशाख २४, २०७९ १९:२८
पूरा पढ्नुहोस्
प्रतिक्रिया
पठाउनुहोस्
×