दोलखाको शैलुङ प्रमुखमा माओवादीका रिमाल र उपप्रमुखमा एमालेकी कार्की विजयी- स्थानीय तह निर्वाचन २०७९ - कान्तिपुर समाचार

दोलखाको शैलुङ प्रमुखमा माओवादीका रिमाल र उपप्रमुखमा एमालेकी कार्की विजयी

केदार शिवाकोटी

दोलखा — दोलखाको शैलुङ गाउँपालिकाको प्रमुखमा गठबन्धनबाट नेकपा माओवादी केन्द्रमा रिमालबाबु श्रेष्ठ विजयी बनेका छन् ।

श्रेष्ठले ४ हजार ९ सय १८ मत प्राप्त गरे । निकटम प्रतिद्वन्द्वी नेकपा एमालेका धनबहादुर तामाङले ४ हजार ८ सय ६० मत प्राप्त गरे । श्रेष्ठले तामाङलाई ८८ मतको मतान्तरमा पराजित गरे ।

यस्तै, उप-प्रमुखमा एमालेकी पार्वती थापा कार्की विजयी भइन् । उनले ५ हजार १ सय ३५ मत प्राप्त गरिन् । उनका निकटतम प्रतिद्वन्द्वी कांग्रेसका दावादार्जे लामाले ४ हजार ७ सय ४१ मत प्राप्त गरे ।

शैलुङका ९ वडा मध्ये नेकपा एमालेले ४ र नेपाली कांग्रेस र माओवादी केन्द्रले समान २/२ वडामा विजयी भए ।

प्रकाशित : जेष्ठ ५, २०७९ १६:०५
प्रतिक्रिया
पठाउनुहोस्

कालिञ्‍चोकमा गठबन्धन विजयी

केदार शिवाकोटी

दोलखा — दोलखाको कालिञ्चोक गाउँपालिकामा गठबन्धनका उम्मेदवार विजयी भएका छन् । अध्यक्षमा गठबन्धनबाट नेपाली कांग्रेसकका अर्जुन शिवाकोटी विजयी बनेका छन् । शिवाकोटी ५ हजार ७ सय ८६ मत प्राप्त गरेका छन् ।

निकटतम प्रतिद्वन्द्वी नेकपा एमालेका गणेशले ४ हजार ६ सय ७३ मत प्राप्त गरेका छन् । यस्तै उपप्रमुखमा गठबन्धनबाटै नेकपा माओवादी केन्द्रका कुलबहादुर बुढाथोकी विजयी भएका छन् । उनले ७ हजार ७ सय १८ मत ल्याएका छन् । उनका निकटतम प्रतिद्वन्द्वी नेकपा एमालेकी कविता थामीले ४ हजार ९ सय ७१ मत प्राप्त गरिन् । कालिञ्चोकका ९ वडामध्ये वडा नं–१ मा नेकपा एमालेका उम्मेदवार विजयी भए भने अन्य ८ वडामा माओवादी केन्द्र र नेपाली कांग्रेसले समान ४ वडामा विजयी भएका छन् ।


प्रकाशित : जेष्ठ ४, २०७९ २२:५४
पूरा पढ्नुहोस्
प्रतिक्रिया
पठाउनुहोस्
×