नारायणकाजीको गृहपालिका सिरानचोकमा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

नारायणकाजीको गृहपालिका सिरानचोकमा कांग्रेस विजयी

हरिराम उप्रेती

गोरखा — गोरखाको सिरानचोक गाउँपालिकाको अध्यक्षमा नेपाली कांग्रेसका उम्मेदवार ज्ञानेन्द्र गुरुङ र उपप्रमुखमा कांग्रेसकै उम्मेदवार रीता देवकोटा विजयी बनेकी छिन् ।

गुरुङ ५ हजार ४ सय ३ मत ल्याएर विजयी बने । उनका निकटतम प्रतिद्वन्द्वी नेकपा माओवादी केन्द्रका नवराज पुडासैनीले ४ हजार १ सय ६८ मत ल्याएर पराजित बने ।

त्यस्तै उपप्रमुखमा विजयी बनेकी कांग्रेस उमेदवार देवकोटाले ४ हजार ८ सय ४ मत ल्याइन् । उनका निकटतम प्रतिद्वन्द्वी नेकपा माओवादी केन्द्रकी पूर्णकुमारी ढकालले ३ हजार ९ सय २ मत ल्याइन् ।

सिरानचोक माओवादी केन्द्रका नेता नारायणकाजी श्रेष्ठको गृहपालिकासमेत हो । ८ वटा वडा रहेको सिरानचोक गाउँपालिकाको वडा नम्बर १, २, ३ , ४ र ८ वडा नेपाली कांग्रेसले जितेको छ । ५, ६, ७ नम्बर वडा भने माओवादी केन्द्रका वडाध्यक्षका उम्मेदवारले जितेका छन् ।

प्रकाशित : जेष्ठ ५, २०७९ १५:१२
प्रतिक्रिया
पठाउनुहोस्

माछाखोलामा बन्यो बेलिब्रिज

हरिराम उप्रेती

गोरखा — लार्के सडकखण्डअन्तर्गत धार्चे गाउँपालिका–५ माछाखोलामा बेलिब्रिज निर्माण सम्पन्न भएको छ । नेपाली सेनाद्वारा निर्माणाधीन बेनीघाट–आरुघाट–लार्केभञ्ज्याङ सडकअन्तर्गत माछाखोलामा बनेको नवनिर्मित बेलिब्रिजको नेपाली सेनाका प्रधानसेनापति प्रभुराम शर्माले बिहीबार उद्घाटन गरे । 

१२० फिट लम्बाइको बेलिब्रिज झन्डै दुई करोडको लागतमा निर्माण सम्पन्न भएको नेपाली सेनाको सडक निर्माण कार्यदलका मेजर विनोद भट्टले बताए । ‘तीन दिनमा बेलिब्रिजको जडान सकियो, आजबाट औपचारिक रूपमा गाडी चल्न पनि सुरु भएको छ,’ उनले भने । पुल उद्घाटनसँगै शर्माले लार्के सडकको हवाई निरीक्षणसमेत गरेको थियो ।

बेनीघाट लार्के सडकखण्डअन्तर्गत हावाडाँडाबाट ट्रयाक खोल्न सुरु गरेको नेपाली सेना पाङसिङ क्षेत्रमा ट्रयाक खोल्ने काम गरिरहेको छ । हालसम्म ३२ किलोमिटर ट्रयाक खुलेको उनले बताए ।

सडक ट्रयाक खुलेसँगै दोभानसम्म सवारी चल्न सुरु भएको छ । माछाखोलामा बेलिब्रिज बनेसँगै दोभानसम्म पुग्ने सवारीलाई सहज हुने भट्टले बताए । पुल नहुँदा यसअघि माछाखोलामा हेलिएर सवारी आउजाउ हुँदै आएको थियो ।

प्रकाशित : जेष्ठ ५, २०७९ १४:५४
पूरा पढ्नुहोस्
प्रतिक्रिया
पठाउनुहोस्
×