पूर्वी नवलपरासीको कावासोती नगरपालिकामा एमाले विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

पूर्वी नवलपरासीको कावासोती नगरपालिकामा एमाले विजयी

नारायण शर्मा

पूर्वी नवलपरासी — जिल्ला सदरमुकाम कावासोती नगरपालिकामा एमाले विजयी भएको छ । मुख्य निर्वाचन अधिकृत अर्जुन अधिकारीले दिएको जानकारीअनुसार मेयरमा एमालेका विष्णुप्रसाद भुसाल ३ सय ४ मतान्तरले विजयी भएका हुन् ।

भुसालले १८ हजार ६ सय ८ मत ल्याएका छन् भने उनका निकटतम प्रतिस्पर्धी नेपाली कांग्रेसका महेन्द्र पोखरेलले १८ हजार ३ सय ४ ल्याएका छन् । पोखरल यसअघि पनि कावासोती प्रमुखमा पराजित भएका थिए ।

यसैगरी उपमेयरमा एमालेकी फूलकुमारी थनेतले १९ हजार २४ मत ल्याएकी छन् । उनका प्रतिस्पर्धी माओवादी केन्द्रका पतिराम थनेतले १३ हजार ५ सय ६१ मत पाएका छन् ।

कावासोतीका १७ वडामध्ये १३ वटा एमालेले जितेको छ । नेपाली कांग्रेस ४ वटा वडामा विजयी भएको छ भने माओवादी केन्द्रले एउटा वडा जितेको छ ।

प्रकाशित : जेष्ठ ५, २०७९ १४:०७
प्रतिक्रिया
पठाउनुहोस्

पूर्वी नवलपरासीको मध्यबिन्दु नगरपालिकामा एमाले विजयी

नारायण शर्मा

पूर्वी नवलपरासी — मध्यबिन्दु नगरपालिकाको मेयर र उपमेयरमा बहुमतसहित एमाले विजयी भएको छ । मेयरमा भीमलाल अधिकारीले १६ हजार २ सय १२ मत ल्याएका छन् । उनका निकटतम प्रतिस्पर्धी कांग्रेसका सूर्य गुरुङले १४ हजार ६ सय ४५ ल्याएका छन् ।

त्यसैगरी उपमेयरमा निर्वाचित एमालेकी पूर्णकला चौधरीले १६ हजार १ सय ५ ल्याएकी छन् । उनकी निकटतम प्रतिद्वन्द्वी कांग्रेसकी १४ हजार ५ सय ६४ मत पाएकी हुन् ।

मध्यबिन्दुमा एमालेले १० वटा वडा र कांग्रेसले ५ वटा वडामा विजय प्राप्त गरेका छन् । मध्यबिन्दुमा यसअघि २०७४ सालको निर्वाचनमा मेयर र उपमेयरमा बहुमतसहित नेपाली कांग्रेस विजयी भएको थियो ।


प्रकाशित : जेष्ठ ५, २०७९ ०३:०१
पूरा पढ्नुहोस्
प्रतिक्रिया
पठाउनुहोस्
×