डोल्पाको डोल्पोबुद्ध गाउँपालिकामा स्वतन्त्र उम्मेदवार विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

डोल्पाको डोल्पोबुद्ध गाउँपालिकामा स्वतन्त्र उम्मेदवार विजयी

हरि गौतम

रुकुम पश्चिम — उपल्लो डोल्पाको डोल्पोबुद्ध गाउँपालिका अध्यक्षमा स्वतन्त्र उम्मेदवार विजयी भएका छन् । माओवादी केन्द्रका उम्मेदवार तेम्बा गुरुङलाई पराजित गर्दै स्वतन्त्र उम्मेदवार कार्मा छोइवेल गुरुङ निर्वाचित भए । कार्माले ५ सय ३५ मत ल्याएका छन् भने तेम्बाको पक्षमा ३ सय २ मत आएको छ ।

तेम्बा निवर्तमान अध्यक्ष पनि हुन् । २०७४ सालको स्थानीय तहको निर्वाचनमा तेम्बा निर्विरोध निर्वाचित भएका थिए । उपाध्यक्षमा नेकपा एकीकृत समाजवादीका पेम्मा धोर्चे गुरुङ निर्वाचित भएका छन् । अर्को उम्मेदवारी नपरेपछि उनी निर्विरोध निर्वाचित भएका हुन् । ६ वडा रहेको डोल्पोबुद्धका ४ वडाका जनप्रतिनिधि निर्विरोध निर्वाचित भए भने २ वडामा मात्रै निर्वाचन भयो । निर्वाचन भएका १ र ३ नम्बर वडामा माओवादी केन्द्रका उम्मेदवार विजयी भएका छन् ।


प्रकाशित : जेष्ठ ५, २०७९ १०:३८
प्रतिक्रिया
पठाउनुहोस्

आठबीसकोट नगरपालिकामा माओवादीका केसी विजयी

हरि गौतम

रुकुम पश्चिम — आठबीसकोट नगरपालिका प्रमुख, उपप्रमुखमा नेकपा माओवादी केन्द्रका उम्मेदवारहरु विजयी भएका छन् । प्रमुखमा रवि केसी विजयी भए । ३२ वर्षीय रविले एमाले–कांग्रेस गठबन्धनका कांग्रेस उम्मेदवार धिरेन्द्रकुमार बटालालाई पराजित गरे ।

रवि र बटालाको मतान्तर ७ सय ८४ छ । रविले ७ हजार ३ सय ९९ मत ल्याउँदा बटालाको पक्षमा हजार ६ सय १५ मत आएको छ ।

उपप्रमुखमा पनि माओवादी केन्द्रकै धनकुमारी शाही विजयी भइन् । एमाले–कांग्रेस गठबन्धनका एमाले उम्मेदवार दिनेश चन्दलाई ९ सय ९७ मतान्तरले पराजित गर्दै शाही उपप्रमुखमा निर्वाचित भएकी हुन् । शाहीले ७ हजार २ सय ६५ मत ल्याइन भने चन्दको पक्षमा ६ हजार २ सय ६८ मत आयो ।

यस नगरपालिकामा एमाले, कांग्रेस र नेकपा एकीकृत समाजवादीले गठबन्धन गरेका थिए । माओवादी एक्लै चुनावी प्रतिस्पर्धामा गएको थियो । १४ वडा रहेको यस नगरपालिकामा १० वडा माओवादीले जितेको छ भने एमाले कांग्रेसले २/२ वडा जितेका छन् ।

प्रकाशित : जेष्ठ ४, २०७९ १३:४१
पूरा पढ्नुहोस्
प्रतिक्रिया
पठाउनुहोस्
×