बागलुङको बडिगाड गाउँपालिका अध्यक्षमा कांग्रेसकी थापा विजयी- स्थानीय तह निर्वाचन २०७९ - कान्तिपुर समाचार

बागलुङको बडिगाड गाउँपालिका अध्यक्षमा कांग्रेसकी थापा विजयी

प्रकाश बराल

बागलुङ — बागलुङको बडिगाड गाउँपालिका अध्यक्षमा कांग्रेसकी गण्डकी अधिकारी थापा विजयी भएकी छिन् । सम्पन्न मत गणनामा थापाले ७ हजार २ सय ७३ मत ल्याइन् । उनका निकटतम् प्रतिद्वन्द्वी एमालेका राजन पाइजाले ५ हजार ७ सय मत ल्याए । विजयी थापा जिल्लामै प्रमुख पदमा पुग्ने पहिलो र एक मात्रै महिला हुन् । थापा कांग्रेस जिल्ला सचिव समेत हुन् । 

गत स्थानीय निर्वाचनमा थापा एमालेका मेहरसिंह पाइजासँग पराजित भएकी थिइन् । दोस्रो पटक पाइजाका छोरा राजनलाई थापाले पराजित गरिन् । उपाध्यक्षमा राष्ट्रिय जनमोर्चाका भीमसेन वन विजयी भए । वनले ७ हजार १ सय ३ मत ल्याए । उनका निकटतम प्रतिद्वन्द्वी मिनकुमारी रायमाझीले ५ हजार ७ सय २७ मत पाइन् । वन राजमोको युवा नेता हुन् । गत निर्वाचनमा वन पनि पराजित भएका थिए । बडिगाडका १० वटा वडामध्ये कांग्रेसले ३ वडा जितेको छ । गठबन्धनकै तर्फबाट माओवादीले २ र राजमोले २ वडा जितेको छ । एमालेले ३ वडा जितेको छ ।


प्रकाशित : जेष्ठ ५, २०७९ १०:२७
प्रतिक्रिया
पठाउनुहोस्

बागलुङको काठेखोलामा कांग्रेसका थापा विजयी

प्रकाश बराल

बागलुङ — स्थानीय तहको निर्वाचनमा बागलुङ जिल्लाको काठेखोला गाउँपालिकाको अध्यक्षमा कांग्रेसका राजु थापा निर्वाचित भएका छन् ।

थापाले ७ हजार ७ सय ५० मत ल्याएर निर्वाचित भएका हुन् । उनका निकटतम प्रतिद्वन्दी एमालेका डिलबहादुर कार्कीले ६ हजार ३ सय ८३ मत ल्याए । उपाध्यक्षमा राष्ट्रिय जनमोर्चाका तेजबहादुर थापा ‘तिलक’ले ६ हजार ७ सय १२ मत ल्याएर विजयी भए । उनका निकटतम प्रतिद्वन्द्वी एमालेकी कोपिला कुमारी पुनले ६ हजार ४ सय ४७ मत पाइन् ।

यहाँको वडा नम्बर १, ५, ६ र ८ नम्बरमा कांग्रेसले अध्यक्षले जितेका छन् । वडा नम्बर २, ३ र ७ एमालेले जित्यो । वडा नम्बर ४मा भने राजमोले जितेको छ । यहाँ कांग्रेस, राजमो, माओवादी र नेकपा एसको गठबन्धन थियो । एमालेले राप्रपासँग तालमेल गरेको थियो । यस अघि यहाँ एमालेले निर्वाचन जितेको थियो ।

प्रकाशित : जेष्ठ ४, २०७९ २१:५८
पूरा पढ्नुहोस्
प्रतिक्रिया
पठाउनुहोस्
×