बागलुङको बडिगाड गाउँपालिका अध्यक्षमा कांग्रेसकी थापा विजयी

गत स्थानीय निर्वाचनमा थापा एमालेका मेहरसिंह पाइजासँग पराजित भएकी थिइन् । दोस्रो पटक पाइजाका छोरा राजनलाई थापाले पराजित गरिन् । उपाध्यक्षमा राष्ट्रिय जनमोर्चाका भीमसेन वन विजयी भए । वनले ७ हजार १ सय ३ मत ल्याए । उनका निकटतम प्रतिद्वन्द्वी मिनकुमारी रायमाझीले ५ हजार ७ सय २७ मत पाइन् । वन राजमोको युवा नेता हुन् । गत निर्वाचनमा वन पनि पराजित भएका थिए । बडिगाडका १० वटा वडामध्ये कांग्रेसले ३ वडा जितेको छ । गठबन्धनकै तर्फबाट माओवादीले २ र राजमोले २ वडा जितेको छ । एमालेले ३ वडा जितेको छ ।