जुम्ला गुठीचौर गाउँपालिकाको अध्यक्षमा कांग्रेसका बुढा निर्वाचित

बुढाले १ हजार ७ सय ७५ मत ल्याए भने नेकपा एकीकृत समाजवादीका अध्यक्षका उम्मेदवारले जनक थकालीले १ हजार ६ सय २ मत प्राप्त गरे । माओवादी केन्द्रका उम्मेदवार हरिबहादुर भण्डारीले १ हजार ३ सय ३६ मत प्राप्त गरेका छन् ।

उपाध्यक्षमा एकीकृत समाजवादीका उम्मेदवार शान्तिकुमारी मल्ल भण्डारी विजयी भएकी छन् । उनले १ हजार ५ सय ३ मत ल्याएकी छन् । उनका प्रतिद्वन्द्वी माओवादीकी राजकन्या बुढाले १ हजार २ सय १४ मत ल्याएकी छन् ।

जुम्ला जिल्लाकै कम्युनिस्टहरूको किल्लाको रूपमा रहेको गुठीचौर गाउँपालिकामा दुई वडाअध्यक्षसहित पालिका अध्यक्ष कांग्रेसका उम्मेदवारले जितेका हुन् । २०७४ को स्थानीय निर्वाचनमा कांग्रेसका एक उम्मेदवार पनि निर्वाचित भएका थिएनन् ।