वलान-विहुल गाउँपालिकामा जनमत पार्टीका उम्मेदवार विजयी- स्थानीय तह निर्वाचन २०७९ - कान्तिपुर समाचार

वलान-विहुल गाउँपालिकामा जनमत पार्टीका उम्मेदवार विजयी

अवधेशकुमार झा

राजविराज — सप्तरीको वलान-विहुल गाउँपालिकाको अध्यक्ष र उपाध्यक्षमा सिके राउत नेतृत्वको जनमत पार्टीका उम्मेदवार निर्वाचित भएका छन् । जनमत पार्टीका गाउँपालिका अध्यक्षका उम्मेदवार खेमचन्द्र यादव र उपाध्यक्षका उम्मेदवार रेणु यादव विजयी भएका हुन् ।

अध्यक्षमा निर्वाचित यादवले २ हजार ९ सय ९४ मत प्राप्त गरेका छन् । यस अघि हनुमाननगर कंकालिनी नगरपालिकाको मेयरमा जनमत पार्टीका वीरेन्द्र माझी निर्वाचित भएका थिए ।

वलान-विहुल गाउँपालिकाको अध्यक्षमा निर्वाचित यादवका निकटतम प्रतिद्वन्द्वी नेपाली कांग्रेसका नवीनकुमार झाले २ हजार २ सय ४७ मत प्राप्त गरेका थिए ।

त्यस्तै, उपाध्यक्षमा निर्वाचित यादवले २ हजार ६ सय ९० मत प्राप्त गरेकी छन् । उपाध्यक्षकी प्रतिस्पर्धी कांग्रेसकी आशदेवी मण्डलले २ हजार ३ सय ४ मत प्राप्त गरेकी छन् ।

प्रकाशित : जेष्ठ ५, २०७९ ०८:४३
प्रतिक्रिया
पठाउनुहोस्

सुरुङ्गा नगरपालिकाको मेयरमा कांग्रेस विजयी

अवधेशकुमार झा

राजविराज — सप्तरीको सुरुङ्गा नगरपालिका प्रमुखमा नेपाली कांग्रेसबाट उम्मेदवारी दर्ता गराएकी गीता चौधरी विजयी भएकी छन् । चौधरीले ७ हजार २ सय ९२ मत प्राप्त गरी आगामी कार्यकालको लागि सुरुङ्गा नगरपालिकाको मेयर चुनिएकी हुन् । 

उनका निकटतम प्रतिद्वन्द्वी नेकपा एकीकृत समाजवादीका रामनारायण चौधरीले ४ हजार २ सय १७ मत प्राप्त गरेका छन् । त्यस्तै उपमेयरमा नेपाली कांग्रेसका रुद्रबहादुर कार्की निर्वाचित भएका छन् ।

उनले ६ हजार २ सय ७५ मत प्राप्त गरे । उनका निकटतम प्रतिद्वन्द्वी नेकपा एकीकृत समाजवादीका सुनिताकुमारी मुखियाले ३ हजार ९ सय ९८ मत प्राप्त गरे ।

प्रकाशित : जेष्ठ ५, २०७९ ०८:२१
पूरा पढ्नुहोस्
प्रतिक्रिया
पठाउनुहोस्
x
×