बागलुङको काठेखोलामा कांग्रेसका थापा विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बागलुङको काठेखोलामा कांग्रेसका थापा विजयी

प्रकाश बराल

बागलुङ — स्थानीय तहको निर्वाचनमा बागलुङ जिल्लाको काठेखोला गाउँपालिकाको अध्यक्षमा कांग्रेसका राजु थापा निर्वाचित भएका छन् ।

थापाले ७ हजार ७ सय ५० मत ल्याएर निर्वाचित भएका हुन् । उनका निकटतम प्रतिद्वन्दी एमालेका डिलबहादुर कार्कीले ६ हजार ३ सय ८३ मत ल्याए । उपाध्यक्षमा राष्ट्रिय जनमोर्चाका तेजबहादुर थापा ‘तिलक’ले ६ हजार ७ सय १२ मत ल्याएर विजयी भए । उनका निकटतम प्रतिद्वन्द्वी एमालेकी कोपिला कुमारी पुनले ६ हजार ४ सय ४७ मत पाइन् ।

यहाँको वडा नम्बर १, ५, ६ र ८ नम्बरमा कांग्रेसले अध्यक्षले जितेका छन् । वडा नम्बर २, ३ र ७ एमालेले जित्यो । वडा नम्बर ४मा भने राजमोले जितेको छ । यहाँ कांग्रेस, राजमो, माओवादी र नेकपा एसको गठबन्धन थियो । एमालेले राप्रपासँग तालमेल गरेको थियो । यस अघि यहाँ एमालेले निर्वाचन जितेको थियो ।

प्रकाशित : जेष्ठ ४, २०७९ २१:५८
प्रतिक्रिया
पठाउनुहोस्

बागलुङ नगरपालिकाको मेयर र उपमेयरमा कांग्रेस र माओवादी विजयी

प्रकाश बराल

बागलुङ — बागलुङ नगरपालिकाको प्रमुखमा कांग्रेसका बसन्तकुमार श्रेष्ठ विजयी भएका छन् । श्रेष्ठले निकटतम प्रतिस्पर्धी एमालेका जनकराज पौडेललाई ५ हजार ८ सय २१ मतको अन्तरले पराजित गरे ।


अन्तिम मत परिणाम अनुसार श्रेष्ठले १४ हजार ६ सय ७८मत पाएका छन् । निर्वतमान नगर प्रमुखसमेत रहेका जनकराज पौडेलले ८ हजार ८ सय २१ मत पाए । २०७४ को स्थानीय निर्वाचनमा श्रेष्ठ पौडेलसँगै २ हजार ३ सय मत अन्तरले पराजित भएका थिए ।

उपप्रमुखमा माओवादीका राजु खड्काले १२ हजार ४ सय २७ मत ल्याएर विजयी भए । उनका निकटतम प्रतिस्पर्धी राप्रपाका सञ्जय खड्काले ८ हजार ६४ मत पाए । बागलुङ नगरका १४ वटा वडामध्ये ११ वटामा सत्ता गठबन्धनका उम्मेदवार विजयी भए ।

वडा नं १, ३, ८, ९, ११, १३ र १४ वडा कांग्रेसले जितेको छ भने वडा नं २ र १० मा नेकपा एकीकृत समाजवादी, वडा नं ४ मा माओवादी केन्द्रले साथै वडा नं १२ मा स्वतन्त्र उम्मेदवारले अध्यक्ष जिते । वडा नं ५, ६ र ७ मा भने एमाले विजयी भएको छ।

बागलुङमा एमाले र राप्रपाको गठबन्धनबाट नगरप्रमुखमा एमाले, उपप्रमुखमा राप्रपाका उमेदवार थिए । सत्ता गठबन्धनतर्फ कांग्रेसका नगरप्रमुख र माओवादीका उपप्रमुख उमेदवार थिए ।

प्रकाशित : जेष्ठ ४, २०७९ ०८:३६
पूरा पढ्नुहोस्
प्रतिक्रिया
पठाउनुहोस्
×