कांग्रेसको आधार क्षेत्र सुनवर्षी नगरपालिकामा एमालेको पहिलो जित- स्थानीय तह निर्वाचन २०७९ - कान्तिपुर समाचार

कांग्रेसको आधार क्षेत्र सुनवर्षी नगरपालिकामा एमालेको पहिलो जित

विनोद भण्डारी

विराटनगर — कांग्रेसको गढका रुपमा मानिएको मोरङको सुनवर्षी नगरपालिकामा एमालेले पहिलो पटक जित दर्ता गरेको छ । यहाँको नगर प्रमुखमा एमालेका श्याम राजवंशी र उपमेयरमा मिरादेवी दास केवरत विजयी भएका छन ।

राजवंशीले ८ हजार ६ सय ३९ मतले विजयी दर्ता गर्दा कांग्रेसका यज्ञ कार्कीले ६ हजार ९५२ मत ल्याए ।

त्यसैगरी उपमेयरमा एमालेकी केवरतले ८ हजार ३ सय ८३ मत ल्याउँदा कांग्रेसकी विमलादेवी केवरतले ७ हजार ४२७ मत प्राप्त गरिन् ।

२०७४ को स्थानीय निर्वाचनमा कांग्रेसले मेयर उपमेयरसहित वहुमत वडा जितेको थियो । मोरङको क्षेत्र नं २ मा पर्ने सुनवर्षी नगरपालिका क्षेत्र यसअघि कांग्रेसको आधार क्षेत्र मानिन्थ्यो ।

यस क्षेत्रबाट गिरिजाप्रसाद कोइराला र आमोदप्रसाद उपाध्ययाले २०४६ यताका निर्वाचन जितेका थिए । अहिले यो क्षेत्रबाट मिनेन्द्र रिजाल संघीय सांसद छन् । यो नगरमा टिकट वितरण गर्दा रिजालले राम्रा नभई आफना व्याक्ति छनोट गर्दा एमालेले इतिहास रचेको असन्तुष्ट कांग्रेसीहरुको गुनासो छ ।


प्रकाशित : जेष्ठ ४, २०७९ १७:५६
प्रतिक्रिया
पठाउनुहोस्

तरलतामा सुधार छैन, कर्जा र निक्षेप दुवै घटे

कान्तिपुर संवाददाता

काठमाडौँ — आर्थिक वर्ष सकिन दुई महिना मात्र बाँकी रहँदा पनि वित्तीय प्रणालीमा तरलता अवस्थामा कति पनि सुधार भएको छैन । आर्थिक वर्षको अन्त्यमा सरकारी खर्च बढ्ने भएकाले तरलता अवस्थामा सुधार आउने अपेक्षाविपरीत वित्तीय प्रणालीमा निरन्तर रूपमा कर्जा र निक्षेप घटिरहेको हो ।

पछिल्लो एक महिना (वैशाख)को तथ्यांक हेर्दा उक्त अवधिमा कर्जा र निक्षेप दुवै घटेको छ । जसअनुसार चैत मसान्तको तुलनामा वैशाख मसान्तमा वाणिज्य बैंकहरूको कुल निक्षेप करिब १९ अर्ब रुपैयाँले घटेको छ । गत चैत मसान्तमा बैंकहरूको कुल निक्षेप ४३ खर्ब ८९ अर्ब रुपैयाँ थियो । वैशाख मसान्तमा आइपुग्दा यो घटेर ४३ खर्ब ७० अर्ब रुपैयाँ कायम भएको छ । पछिल्लो एक महिनामा २७ वाणिज्य बैंकमध्ये ६ वटाको निक्षेप घटेको देखिन्छ ।

यस्तै, पछिल्लो एक महिनामा वाणिज्य बैंकहरूको कर्जा प्रवाह पनि ६ अर्ब रुपैयाँले घटेको छ । गत चैतमा वाणिज्य बैंकहरूको कुल कर्जा प्रवाह ४१ खर्ब ९७ अर्ब रुपैयाँ थियो । गत वैशाखमा आइपुग्दा कुल कर्जा प्रवाह घटेर ४१ खर्ब ९१ अर्ब रुपैयाँमा झरेको छ । पछिल्लो एक महिनामा १४ वटा बैंकको कर्जा प्रवाह घटेको छ ।

प्रकाशित : जेष्ठ ४, २०७९ १७:४९
पूरा पढ्नुहोस्
प्रतिक्रिया
पठाउनुहोस्
×