रुपन्देहीको देवदहमा प्रमुख र उपप्रमुखमा एमाले विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

रुपन्देहीको देवदहमा प्रमुख र उपप्रमुखमा एमाले विजयी

अमृता अनमोल

बुटवल — रुपन्देहीको देवदह नगरपालिकामा प्रमुख र उपप्रमुखमा नेकपा एमालले जीत हासिल गरेको छ । प्रमुखमा ध्रुव खरेलले १२ हजार ९ सय ४३ मत ल्याए ।

उनका निकटतम प्रतिद्वन्द्वी गठबन्धनका तर्फबाट नेपाली कांग्रेसका हिराबहादुर खत्रीले ११ हजार ३ सय २३ मत पाए । खत्री यसअघिका नगरप्रमुख हुन् ।

यस्तै, उपप्रमुखमा एमालेकी विद्यालक्ष्मी गुरुङले जीत हात पारेकी छन् । उनले १३ हजार ७ सय ८४ मत ल्याएकी छन् । उनका निकटतम प्रतिद्वन्द्वी सुन्दरी गिरीले ७ हजार २ सय ९० मत ल्याएकी छन् । गुरुङ यसअघिकी उपप्रमुख हुन् ।

प्रकाशित : जेष्ठ ४, २०७९ १६:०७
प्रतिक्रिया
पठाउनुहोस्

दैलेखको आठबीस नगरपालिकामा एमालेका बडुवाल विजयी

ज्योति कटुवाल

काठमाडौँ — दैलेखको आठबीस नगरपालिकाको प्रमुख र उपप्रमुखमा एमाले विजयी भएको छ । एमालेबाट प्रमुखमा तर्कबहादुर बडुवाल विजयी भएका छन् भने उपप्रमुखमा कल्पनाकुमारी थापा विजयी भएकी छन् ।

प्रमुख बडुवालले ५ हजार ३ सय २७ मत ल्याएका छन् भन् उनका प्रतिद्वन्द्वी शाहीले भने ५ हजार ६६ मत प्राप्त गरेका हुन् ।

थापाले ५ हजार १ सय १३ मत प्राप्त गरिन् भने उनकी प्रतिद्वन्द्वी नेपाली कांग्रेसकी निशा थापाले ४ हजार ९ सय ६५ मत ल्याएर पराजित भएकी हुन् । साथै, नेकपा एमालेबाट आठबीस नगरपालिकाको वडा नम्बर १ मा बमबहादुर रावत, २ मा कलम कामी, ४ मा टेकबहादुर माझी, ६ मा नवराज शर्मा र ८ मा अदल शाही विजयी भएका छन् ।

यस्तै, नेपाली कांग्रेसले ३ वडा जितेको छ । वडा नम्बर ३ मा नगेन्द्रराज कार्की, ५ मा बजर सिंह विक, ७ मा जैसिंह कठायत र ९ मा शेरबहादुर सिजापती विजयी भएका छन् ।

प्रकाशित : जेष्ठ ४, २०७९ १६:०४
पूरा पढ्नुहोस्
प्रतिक्रिया
पठाउनुहोस्
×