गोरखा नगरपालिकाको मेयरमा माओवादी र उपमेयरमा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

गोरखा नगरपालिकाको मेयरमा माओवादी र उपमेयरमा कांग्रेस विजयी

हरिराम उप्रेती

गोरखा — गोरखा नगरपालिकाको मेयरमा माओवादी केन्द्रका कृष्णबहादुर राना र उपमेयरमा कांग्रेसकी मसली माया थोकर पुन विजयी वनेकी छिन् । १ हजार आठ सय ५६ मतान्तरसहित राना विजयी बनेका हुन् ।


८ हजार ९ सय ६४ मत ल्याएर राना विजयी बने । उनका निकटतम प्रतिस्पर्धी नेपाली कांग्रेसबाट उमेदवार बनेका राजनराज पन्त ७ हजार १ सय ८ मत ल्याएर पराजित बने । २०७४ को निर्वाचनमा पनि राना र पन्त प्रतिस्पर्धी थिए । २०७४ को निर्वाचनमा गोरखा नगरपालिकामा कांग्रेसले मेयर र उपमेयर जितेको थियो ।

त्यस्तै उपमेयरमा विजेता बनेकी थोकरले ७ हजार ४ सय ५३ मत ल्याएकी छिन् । उनका निकटतम प्रतिस्पर्धी जनता समाजवादी पार्टी(जसपा) का नारायण खत्रीले ६ हजार ७ सय १८ मत ल्याएर पराजित बने । गोरखा नगरपालिकामा माओवादी र जसपाबीच मेयर र उपमेयरमा चुनावी तालमेल भएको थियो ।

१४ वडा रहेको गोरखा नगरपालिकामा १, २, ९, १०, १२ र १३ नम्वर वडा कांग्रेस, वडा नम्वर ४, ७, ८, ११ र १४ नम्वर वडा माओवादीले जितेको छ । वडा नम्वर ३ र ५ नम्वर वडामा नेकपा एमाले तथा वडा नम्वर ६ मा स्वतन्त्रबाट उमेदवारी दिएका वडा अध्यक्ष विजयी भएका छन् ।

प्रकाशित : जेष्ठ ४, २०७९ १५:४९
प्रतिक्रिया
पठाउनुहोस्

रोचक मोडमा पुगेपछि पालुङटारको मतगणना स्थगित

हरिराम उप्रेती

गोरखा — पालुङटार नगरपालिकाको मतगणना स्थगित भएको छ । पालुङटार नगरपालिका–६ को वीरभद्र बुथको मतपेटिमा एक सिल नभएको भेटिएपछि मतगणना केही बेरअघि स्थगित भएको हो ।  एउटा ब्यालेट बक्सको मुचुल्कामा पाँच वटा र ब्यालेटमा चार वटा सिल भेटिएपछि विवाद भएको हो । 


सर्वदलीय बैठक बसेर मात्र मतगणना गर्ने तयारी थालिएको छ । पालुङटार नगरपालिकाको मतगणना अन्तिम चरणमा पुगेको छ । अन्तिममा पालुङटार नगरपालिका–६ वीरभद्र बुथको चलिरहेको छ । अन्तिममा प्रतिस्पर्धा पनि रोचक बनेको छ । नेपाल कम्युनिष्ट पार्टी माओवादीका उमेदवार विवश चिन्तन र जनता समाजवादी पार्टी (जसपा)का उमेदवार प्रेम गुरुङबीच ३६१ को मतान्तर छ ।

माओवादीको चिन्तनले ५ हजार ७ सय ८३ र जसपाका गुरुङले ५ हजार चार सय २२ मत ल्याएका छन् । तेस्रोमा रहेका कांग्रेस उमेदवार दीपक वावु कँडेलले ४ हजार ७ सय ५५ मत ल्याएका छन् । वडा नम्बर ६ को अझै करिब १ हजार मतगणना बाँकी छ ।

सामान्य त्रुटि भेटिएको पालुङटार नगरपालिकाका निर्वाचन अधिकृत गोकर्णराज पन्तले बताए । उनले अन्य विषयमा खुलाउन चाहेनन् ।

प्रकाशित : जेष्ठ ४, २०७९ १४:५१
पूरा पढ्नुहोस्
प्रतिक्रिया
पठाउनुहोस्
×