कैलालीको मोहन्याल गाउँपालिका अध्यक्षमा माओवादीका उपाध्याय विजयी
धनगढी — कैलालीको पहाडी क्षेत्रमा पर्ने मोहन्या गाउँपालिकामा माओवादी केन्द्रका देवीदत्त उपाध्याय विजयी भएका छन् । उनले ४ सय १९ को मतान्तरमा एमालेका धरबहादुर थापालाई पाराजित गरे । उपाध्यायले ३ हजार १ सय ३४ मत प्राप्त गरे ।
उनका प्रतिद्वन्द्वी धरबहादुर थापाले २ हजार ७ सय १५ मत प्राप्त गरे ।
उपाध्यक्ष पदमा नेपाली कांग्रेसका कमलबहादुर साउद ३ हजार २ सय ८८ मत ल्याएर विजयी भए । उनका प्रतिद्वन्द्वी सरस्वती देवी रावल बिष्टले २ हजार २ सय १९ मत प्राप्त गरिन् । मोहन्याल गाउँपालिकामा २०७४को निर्वाचनमा एमालेले जितेको थियो ।
प्रकाशित : जेष्ठ ४, २०७९ १५:२५