आठबीसकोट नगरपालिकामा माओवादीका केसी विजयी

रवि र बटालाको मतान्तर ७ सय ८४ छ । रविले ७ हजार ३ सय ९९ मत ल्याउँदा बटालाको पक्षमा हजार ६ सय १५ मत आएको छ ।

उपप्रमुखमा पनि माओवादी केन्द्रकै धनकुमारी शाही विजयी भइन् । एमाले–कांग्रेस गठबन्धनका एमाले उम्मेदवार दिनेश चन्दलाई ९ सय ९७ मतान्तरले पराजित गर्दै शाही उपप्रमुखमा निर्वाचित भएकी हुन् । शाहीले ७ हजार २ सय ६५ मत ल्याइन भने चन्दको पक्षमा ६ हजार २ सय ६८ मत आयो ।

यस नगरपालिकामा एमाले, कांग्रेस र नेकपा एकीकृत समाजवादीले गठबन्धन गरेका थिए । माओवादी एक्लै चुनावी प्रतिस्पर्धामा गएको थियो । १४ वडा रहेको यस नगरपालिकामा १० वडा माओवादीले जितेको छ भने एमाले कांग्रेसले २/२ वडा जितेका छन् ।