रुकुमको चौरजहारीमा माओवादीका वादी विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

रुकुमको चौरजहारीमा माओवादीका वादी विजयी

हरि गौतम

रुकुम पश्चिम — चौरजहारी नगरपालिकाको प्रमुख, उपप्रमुखमा एमाले–कांग्रेस गठबन्धनलाई हराउँदै नेकपा माओवादी केन्द्रका उम्मेदवार निर्वाचित भएका छन् ।

प्रमुखमा पुष्प वादी र उपप्रमुखमा इश्वरीकुमारी शर्मा बीएम निर्वाचित भएका छन् । कांग्रेस–एमाले गठबन्धनका कांग्रेस उम्मेदवार प्रेमबहादुर ओलीलाई ५ सय ७१ मतान्तरमा हराउँदै वादी नगरप्रमुखमा निर्वाचित भए । वादीले ६ हजार ८ सय ८२ मत ल्याएका छन् भने ओलीको पक्षमा ६ हजार ३ सय ११ मत आएको छ ।

उपप्रमुखमा निर्वाचित इश्वरीको पक्षमा ७ हजार २ मत आएको छ भने एमाले–कांग्रेस गठबन्धनका एमाले उम्मेदवार टंकप्रसाद ओलीको ५ हजार ७ सय ४४ मत प्राप्त गरे ।

१४ वडा रहेको चौरजहारी नगरपालिकामा ११ वडा माओवादी केन्द्रले जितेको छ भने ३ वडा कांग्रेसले जितेको छ ।


प्रकाशित : जेष्ठ ४, २०७९ १३:२९
प्रतिक्रिया
पठाउनुहोस्

डोल्पाको त्रिपुरासुन्दरीको प्रमुख, उपप्रमुखमा एमालेका उम्मेवादवार विजयी

हरि गौतम

रुकुम पश्चिम — डोल्पाको त्रिपुरासुन्दरी नगरपालिकाको प्रमुख र उपप्रमुखमा नेकपा एमालेका उम्मेदवार विजयी भएका छन् । नगरप्रमुखमा एमालेका जुनचन्द्र रोकाया र उपप्रमुखमा एमालेकै उम्मेदवार देवी घर्ती विजयी भइन् ।

नेपाली कांग्रेसका चन्द्रलाल धरालालाई पछि पार्दै एमालेका रोकायाले नगरप्रमुख जितेका हुन् । उपप्रमुखमा नेकपा माओवादी केन्द्रकी काली चलाउनेलाई एमालेकी घर्तीले पराजित गरेकी हुन् ।

नगरप्रमुखमा विजय भएका रोकायाले २ हजार १ सय ४ मत ल्याएका छन् भने कांग्रेसका धरालाले १ हजार ५ सय ९६ मत पाएका छन् ।

उपप्रमुखमा निर्वाचित एमालेकी घर्तीको पक्षमा १ हजार ८ सय ५६ मत आएको छ भने माओवादीकी चलाउनेको १ हजार २ सय ९० मत आएको छ ।

२०७४ सालको निर्वाचनमा पनि यो नगरपालिकाको प्रमुख र उपप्रमुख दुवैमा एमालेका उम्मेदवार विजेता भएका थिए ।


प्रकाशित : जेष्ठ ३, २०७९ २२:०६
पूरा पढ्नुहोस्
प्रतिक्रिया
पठाउनुहोस्
×