मुगुको खत्याड गाउँपालिकाको अध्यक्षमा माओवादी, उपाध्यक्षमा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

मुगुको खत्याड गाउँपालिकाको अध्यक्षमा माओवादी, उपाध्यक्षमा कांग्रेस विजयी

राजबहादुर शाही

मुगु — जिल्ला स्थित खत्याड पालिकामा अध्यक्षमा माओवादी र उपाध्यक्षमा कांग्रेसले जितेको छ ।

कांग्रेस-माओवादी गठबन्धनबाट उठेका माओवादी केन्द्रका अध्यक्ष उम्मेदवार अजबहादुर शाहीले ३५सय २१ मत ल्याएर विजयी भएका हुन् ।उनका निकटतम प्रतिद्वन्द्वी एमालेका लालबहादुर मल्लले २६ सय २१ मत प्राप्त गरी पराजित भएका छन् ।

उपाध्यक्षमा कांग्रेसकी सरिता रोकायाले ४५ सय ४८ मत ल्याएर निर्वाचित भएकी हुन् । उनकी निकटतम प्रतिस्पर्धी कविता गिरीले २९ सय ९९ मत प्राप्त गरी पराजित भएकी छन् ।

मुगुको छायाँनाथ रारा नगरपालिका खत्याड र मुगुम कार्मारोङ गाउँपालिकाको मत गणना सकिएको छ भने सोरु गाउँपालिकाको मत गणना जारी रहेको मुख्य निर्वाचन अधिकृतको कार्यालयले जनाएको छ ।

प्रकाशित : जेष्ठ ४, २०७९ १३:१८
प्रतिक्रिया
पठाउनुहोस्

मुगुको छायाँनाथ रारा नगरपालिका प्रमुखमा कांग्रेसका भाम विजयी

राजबहादुर शाही

मुगु — जिल्लाको एक मात्र छायाँनाथ रारा नगरपालिका प्रमुख र उपप्रमुख दुवै पदमा कांग्रेसले जितेको छ । नगर प्रमुखमा कांग्रेसका विष्णुकुमार भामले ४५९९ मत ल्याएर बहुमतले बिजयी भएका छन भने उनका निकटतम प्रतिस्पर्धी डम्मरबहादुर रावलले ३ हजार ८६० मत  प्राप्त गरी पराजित भएका छन् ।

त्यसै गरी कांग्रेसकी उपप्रमुखकी उम्मेदवार ऐश्वर्य मल्लले ४ हजार ३ सय २५ मत प्राप्त गरी विजयी भएकी छन् भने उनकी प्रतिस्पर्धी एमालेकी उपप्रमुखकी उम्मेदवार टोमा लामाले ३७१७ मत ल्याइन् ।

२०७४ सालको स्थानीय निर्वाचनमा भाम नगरको ४ नम्बर वडाअध्यक्ष जितेका हुन् भने रावल ५ का वडाअध्यक्ष हुन् ।

नगरपालिकाको १ देखि १४ वडामध्ये कांग्रेस ६, एमालेले ७ र नेकपा एकीकृत समाजवादीले १ वडाअध्यक्ष जित हासिल गर्न सफल भएका छन् । अघिल्लो स्थानीय निर्वाचनमा यस नगरपालिकामा प्रमुख कांग्रेस र उपप्रमुख एमालेले जितेको थियो ।

प्रकाशित : जेष्ठ ३, २०७९ १५:४७
पूरा पढ्नुहोस्
प्रतिक्रिया
पठाउनुहोस्
×