मुगुको खत्याड गाउँपालिकाको अध्यक्षमा माओवादी, उपाध्यक्षमा कांग्रेस विजयी

कांग्रेस-माओवादी गठबन्धनबाट उठेका माओवादी केन्द्रका अध्यक्ष उम्मेदवार अजबहादुर शाहीले ३५सय २१ मत ल्याएर विजयी भएका हुन् ।उनका निकटतम प्रतिद्वन्द्वी एमालेका लालबहादुर मल्लले २६ सय २१ मत प्राप्त गरी पराजित भएका छन् ।

उपाध्यक्षमा कांग्रेसकी सरिता रोकायाले ४५ सय ४८ मत ल्याएर निर्वाचित भएकी हुन् । उनकी निकटतम प्रतिस्पर्धी कविता गिरीले २९ सय ९९ मत प्राप्त गरी पराजित भएकी छन् ।

मुगुको छायाँनाथ रारा नगरपालिका खत्याड र मुगुम कार्मारोङ गाउँपालिकाको मत गणना सकिएको छ भने सोरु गाउँपालिकाको मत गणना जारी रहेको मुख्य निर्वाचन अधिकृतको कार्यालयले जनाएको छ ।