भरतपुरमा अझै एक लाख मत गन्न बाँकी

भरतपुर महानगरपालिकामा एक लाख २७ हजार ८३९ ले मतदान गरेका थिए। वडा नम्बर ६ को गणना सकिँदा २७ हजार ४३८ मत गनेर सकिएको छ । अहिलेसम्मको नतिजा अनुसार दाहालले नौ हजार ९७० र सुवेदीले आठ हजार २५८ मत ल्याएका छन् ।

यस्तै स्वतन्त्र उम्मेदवार जगन्नाथ पौडेलको ४ हजार ३१५ मत आएको छ । उपमेयरमा सत्तारूढ गठबन्धनबाट कांग्रेसका उम्मेदवार चित्रसेन अधिकारीको ११ हजार ९५६ र एमालेको समर्थनमा राप्रापाकी उपमेयर उम्मेदवार हिमला गुरूङको ६ हजार ७४२ मत आएको छ ।

वडा नम्बर ६ मा पनि नेपाली कांग्रेसका उम्मेदवार वडाध्यक्ष पदमा विजयी भएका छन् । भरतपुरको वडा नम्बर ३ बाहेक हालसम्म गणना सकिएका सबै वडाहरूमा कांग्रेसका उम्मेदवार वडाध्यक्षमा विजयी भएका छन् ।

अघिल्लो चुनावमा जितेकामध्ये दुईवटा वडा एमालेले गुमाएको छ । भरतपुरमा दूरसञ्चार रोडमा रहेको चितवन उद्योगको प्रदर्शनी केन्द्रमा मत गणना भइरहेको छ ।