तामाकोसीको अध्यक्षमा एकीकृत समाजवादी र उपाध्यक्षमा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

तामाकोसीको अध्यक्षमा एकीकृत समाजवादी र उपाध्यक्षमा कांग्रेस विजयी

केदार शिवाकोटी

दोलखा — दोलखाको तामाकोसी गाउँपालिकाको अध्यक्षमा सत्ता गठबन्धनको तर्फबाट नेकपा एकीकृत समाजवादीका प्रोणप्रताप केसी निर्वाचित भएका छन् ।

केसीले ५ हजार ४ सय ९० मतसहित निकटम प्रतिस्पर्धी नेकपा एमालेका अभिषेक सुवेदीलाई पराजित गरेका हुन् । सुवेदीले ३ हजार २ सय १० मत प्राप्त गरेका छन् ।

यस्तै उपाध्यक्षमा गठबन्धनबाटै नेपाली कांग्रेसकी सिर्जना सुवेदी विजयी भएकी छन् । उनले ५ हजार ४ सय ४१ मत ल्याइन् ।

उनका निकटम प्रतिस्पर्धी नेकपा एमालेकी अम्बिका पोखरेलेले ३ हजार ३ सय १५ मत प्राप्त गरिन् । अध्यक्षमा निर्वाचित केसी एकीकृत समाजवादीका जिल्ला सचिवसमेत हुन् ।

प्रकाशित : जेष्ठ ४, २०७९ ०८:१६
प्रतिक्रिया
पठाउनुहोस्

दोलखाको बैत्यश्वर अध्यक्षामा कांग्रेसका लामा विजयी

केदार शिवाकोटी

दोलखा — दोलखको बैत्यश्वर गाउँपालिकाको प्रमुख र उपप्रमुख दुवै सिटमा नेपाली कांग्रेसका उम्मेदवारले विजय हासिल गरेका छन् । प्रमुखमा कांग्रेसका छवि लामा विजयी बनेका छन् । लामाले ५ हजार २ सय ९९ मत प्राप्त गरे । निकटम प्रतिद्धन्द्वी एमालेका माधवप्रसाद घिमिरेले ३ हजार ७ सय ७२ मत प्राप्त गरेका छन् ।


यस्तै माओवादी केन्द्रका लक्ष्मण खड्काले २ हजार ६३ मत प्राप्त गरे । उप प्रमुखमा नेपाली कांग्रेसकी कल्पना उप्रेती विजयी भएकी छिन् । उनले ५ हजार २ सय ७३ मत ल्याइन् । उनका निकटम प्रतिद्वन्द्वी नेकपा एकीकृत समाजवादीका कल्याण दाहालले २ हजार ७ सय १८ मत प्राप्त गरे । २०७४ मा गाउँपालिका प्रमुखमा चुनिएका स्वतन्त्र उमेदवार छविलाल मोक्तानले अहिले २ हजार ६७ मत प्राप्त गरे ।


प्रकाशित : जेष्ठ ४, २०७९ ०६:२९
पूरा पढ्नुहोस्
प्रतिक्रिया
पठाउनुहोस्
×