तामाकोसीको अध्यक्षमा एकीकृत समाजवादी र उपाध्यक्षमा कांग्रेस विजयी
दोलखा — दोलखाको तामाकोसी गाउँपालिकाको अध्यक्षमा सत्ता गठबन्धनको तर्फबाट नेकपा एकीकृत समाजवादीका प्रोणप्रताप केसी निर्वाचित भएका छन् ।
केसीले ५ हजार ४ सय ९० मतसहित निकटम प्रतिस्पर्धी नेकपा एमालेका अभिषेक सुवेदीलाई पराजित गरेका हुन् । सुवेदीले ३ हजार २ सय १० मत प्राप्त गरेका छन् ।
यस्तै उपाध्यक्षमा गठबन्धनबाटै नेपाली कांग्रेसकी सिर्जना सुवेदी विजयी भएकी छन् । उनले ५ हजार ४ सय ४१ मत ल्याइन् ।
उनका निकटम प्रतिस्पर्धी नेकपा एमालेकी अम्बिका पोखरेलेले ३ हजार ३ सय १५ मत प्राप्त गरिन् । अध्यक्षमा निर्वाचित केसी एकीकृत समाजवादीका जिल्ला सचिवसमेत हुन् ।
प्रकाशित : जेष्ठ ४, २०७९ ०८:१६प्रतिक्रिया