गैंडाकोट नगरमा कांग्रेस विजयी- स्थानीय तह निर्वाचन २०७९ - कान्तिपुर समाचार

गैंडाकोट नगरमा कांग्रेस विजयी

नारायण शर्मा

पूर्वी नवलपरासी — गैंडाकोट नगरपालिका प्रमुखमा नेपाली कांग्रेसका उम्मेदवार विजयी भएका छन् । निर्वाचन कार्यालयका अनुसार कांग्रेसको तर्फबाट मेयरमा उम्मेदवारी दिएका मदनभक्त अधिकारीले १६ हजार ४ सय ५५ मत प्राप्त गरी विजयी भएका हुन्  ।


उनका प्रतिस्पर्धी एमालेका छत्रराज पौडेलले १३ हजार ६ सय ६ मत पाएका छन् । यसैगरी कांग्रेसबाट उपमेयरमा निर्वाचित शान्ति कोइरालाले १६ हजार १ सय १४ र उनका प्रतिस्पर्धी राप्रपाका तुलाराम पौडेलले ८ हजार ६ सय ४० मत पाएका छन् ।

मेयरमा निर्वाचित मदनभक्त अधिकारी पञ्चायतकालमा लगातार गैंडाकोटको २५ वर्षसम्म प्रधानपञ्चमा निर्वाचित व्यक्ति हु्न् । उन‍ी कांग्रेसका किसान नेता स्वर्गीय सूर्यभक्त अधिकारीका छोरा हुन् ।

प्रकाशित : जेष्ठ ४, २०७९ ०८:१२
प्रतिक्रिया
पठाउनुहोस्

कावासोतीमा रोकियो मतगणना

नारायण शर्मा

पूर्वी नवलपरासी — कावासोती नगरपालिका १२ मा दलीय प्रतिनिधि र निर्वाचनका कर्मचारीले टिपेको मतसंख्या फरक परेको विषयमा विवाद बढ्दै गएपछि मतगणना रोकिएको छ ।

मंगलबार राति ११ बजे रोकिएको गणना अझै सुरु हुन सकेको छैन । मतगणना सकिएर त्यहाँ दलका प्रतिनिधिले टिपेको मतसंख्या र निर्वाचन कार्यालयका कर्मचारीले टिपेको मतसंख्यामा ५७ मत फरक परेको हो । दलका प्रतिनिधिले विरोध गर्दागर्दै निर्वाचनका प्रतिनिधिले उम्मेदवार विजयी भएको घोषणा गरेको कांग्रेस कार्यकर्ताले आरोप लगाए ।

निर्वाचन कार्यालयले भने मतगणनामा कुनै गडबड नभएका कारण एमालेका उम्मेदवार विजयी भएको घोषणा गरिएको जानकारी दियो । दलकै प्रतिनिधिको रोहबरमा गणना भइरहेको छ । ‘त्यहाँ गडबढ हुनै सक्दैन‚’ निर्वाचन अधिकृतले भने‚ ‘दलका कमजोरी लुकाउन कर्मचारीलाई दोष दिनु हुँदैन ।’

पूर्वी नवलपरासीका प्रमुख जिल्ला अधिकारी सुमन घिमिरेले दलहरूमा छलफल गराएर पुनः सुरु गरिने प्रयास भइरहेको बताए ।

प्रकाशित : जेष्ठ ४, २०७९ ०७:५२
पूरा पढ्नुहोस्
प्रतिक्रिया
पठाउनुहोस्
x
×