बाजुराको जगन्नाथ गाउँपालिका अध्यक्षमा एमालेका शाही, उपाध्यक्षमा बिष्ट निर्वाचित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बाजुराको जगन्नाथ गाउँपालिका अध्यक्षमा एमालेका शाही, उपाध्यक्षमा बिष्ट निर्वाचित

अर्जुन शाह

बाजुरा — बाजुराको जगन्नाथ गाउँपालिका अध्यक्षमा एमाले उम्मेदवार कालीबहादुर शाही निर्वाचित भएका छन् । त्यस्तै उपाध्यक्षमा एमालेकै मरुकला बिष्ट निर्वाचित भइन् । एमाले उम्मेदवार शाहीले प्रतिस्पर्धी कांग्रेस उम्मेदवार सुन्दरबहादुर बिष्टले भन्दा ४४९ मत बढी ल्याएर निर्वाचित भएका छन् ।

शाहीले २ हजार ३१९ मत पाएका छन् भने बिष्टले एक हजार ८७० मत पाए । शाही एमाले बाजुरा अध्यक्ष एवम् निवर्तमान गाउँपालिका अध्यक्ष समेत हुन् । उपाध्यक्ष पदमा एमालेकै उम्मेदवार मरुकला बिष्टले एकीकृत समाजवादीका धर्मबहादुर शाहीलाई ५०५ मतान्तरले पराजित गरिन् । निर्वाचित बिष्टले २ हजार १७८ मत पाएका छन् भने पराजित शाहीले एक हजार ६७३ मत प्राप्त गरे ।

प्रकाशित : जेष्ठ ४, २०७९ ०८:००
प्रतिक्रिया
पठाउनुहोस्

बाजुराको हिमाली गाउँपालिका अध्यक्षमा कांग्रेस र उपाध्यक्षमा एमाले उम्मेदवार निर्वाचित

अर्जुन शाह

बाजुरा — बाजुराको हिमाली गाउँपालिका अध्यक्षमा नेपाली कांग्रेसका उम्मेदवार गोविन्दबहादुर मल्ल र उपाध्यक्षमा नेकपा एमालेका उम्मेदवार राजकला सार्की निर्वाचित भएका छन् । 

निर्वतमान अध्यक्षसमेत रहेका कांग्रेस उम्मेदवार मल्लले एमालेका उम्मेदवार अजबहादुर मल्लभन्दा एक सय १५ मत बढी ल्याएर निर्वाचित भएका छन् । गोविन्दबहादुरले २ हजार ३ सय ८४ मत पाएका छन् भने अजबहादुरले २ हजार २६९ मत पाए । ०७४ को निर्वाचनमा पनि उनीहरू दुवैबीच प्रतिस्पर्धा भएर गोविन्दबहादुर निर्वाचित भएका थिए ।

यस्तै उपाध्यक्ष पदमा एमाले उम्मेदवार राजकला सार्कीले कांग्रेस उम्मेदवार कमला रावत (रोकाया) लाई पराजित गरिन् । सार्कीले रावतलाई ८१ मतले पराजित गरेकी हुन् । सार्कीले २ हजार ३६७ मत प्राप्त गरिन् भने रावतले २ हजार २८६ मत प्राप्त गरिन् ।

प्रकाशित : जेष्ठ ४, २०७९ ०७:५९
पूरा पढ्नुहोस्
प्रतिक्रिया
पठाउनुहोस्
×