बाजुराको हिमाली गाउँपालिका अध्यक्षमा कांग्रेस र उपाध्यक्षमा एमाले उम्मेदवार निर्वाचित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बाजुराको हिमाली गाउँपालिका अध्यक्षमा कांग्रेस र उपाध्यक्षमा एमाले उम्मेदवार निर्वाचित

अर्जुन शाह

बाजुरा — बाजुराको हिमाली गाउँपालिका अध्यक्षमा नेपाली कांग्रेसका उम्मेदवार गोविन्दबहादुर मल्ल र उपाध्यक्षमा नेकपा एमालेका उम्मेदवार राजकला सार्की निर्वाचित भएका छन् । 

निर्वतमान अध्यक्षसमेत रहेका कांग्रेस उम्मेदवार मल्लले एमालेका उम्मेदवार अजबहादुर मल्लभन्दा एक सय १५ मत बढी ल्याएर निर्वाचित भएका छन् । गोविन्दबहादुरले २ हजार ३ सय ८४ मत पाएका छन् भने अजबहादुरले २ हजार २६९ मत पाए । ०७४ को निर्वाचनमा पनि उनीहरू दुवैबीच प्रतिस्पर्धा भएर गोविन्दबहादुर निर्वाचित भएका थिए ।

यस्तै उपाध्यक्ष पदमा एमाले उम्मेदवार राजकला सार्कीले कांग्रेस उम्मेदवार कमला रावत (रोकाया) लाई पराजित गरिन् । सार्कीले रावतलाई ८१ मतले पराजित गरेकी हुन् । सार्कीले २ हजार ३६७ मत प्राप्त गरिन् भने रावतले २ हजार २८६ मत प्राप्त गरिन् ।

प्रकाशित : जेष्ठ ४, २०७९ ०७:५९
प्रतिक्रिया
पठाउनुहोस्

बाजुराको बडिमालिका नगरपालिकामा एमाले विजयी

अर्जुन शाह

बाजुरा — बाजुराको बडिमालिका नगरपालिकाको मेयरमा एमालेका उम्मेदवार अमरबहादुर खड्का र उपमेयरमा नन्दाकुमारी थापा विजयी भएका छन् । 

एमाले उम्मेदवार खड्काले कांग्रेस उम्मेदवार धनराज पण्डितभन्दा ४६७ मत बढी ल्याएर जितेका छन् । खड्काले ४ हजार १९ मत पाएका छन् भने पण्डितले ३ हजार ५ सय ५२ मत पाए । यस्तै उपमेयरमा एमाले उम्मेदवार थापाले कांग्रेस उम्मेदवार राधिका कुमारी शाही (सिंह) भन्दा ८८२ मत बढी ल्याएर विजयी भएकी हुन् ।

थापाले ४ हजार २३३ मत प्राप्त गरिन् भने शाहीले ३ हजार ३५१ मत पाइन् । उप प्रमुखमा विजयी थापा नेपाल पत्रकार महासंघ बाजुरा शाखाको सचिव र प्रेस चौतारी जिल्ला शाखा अध्यक्षको पदबाट राजीनामा दिएर एमालेबाट उपमेयरमा उम्मेदवार बनेकी थिइन् ।

९ वटा वडा रहेको बाजुरा सदरमुकामस्थित बडिमालिका नगरपालिकामा एमालेले ७ वटा वडामा जित हात पारेको छ भने २ वटा वडामा कांग्रेसले जितेको छ । २, ३, ५, ६, ७,८, ९ नम्बर वडा एमालले जितेको छ भने कांग्रेसले वडा नम्बर १ र ४ जितेको छ ।

प्रकाशित : जेष्ठ ३, २०७९ १६:३३
पूरा पढ्नुहोस्
प्रतिक्रिया
पठाउनुहोस्
×