बर्दियाको गुलरिया नगरमा कांग्रेस उम्मेदवार विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बर्दियाको गुलरिया नगरमा कांग्रेस उम्मेदवार विजयी

कमल पन्थी

(बर्दिया) — गुलरिया नगरपालिकाको प्रमुखमा कांग्रेस उमेदवार मुक्तिनाथ यादव पुन:दोस्रो कार्यकालका लागि निर्वाचित भएका छन् । उनले प्रतिस्पर्धी एमालेका अमरबहादुर खडकालाई १ सय ७८ मतको अन्तरले पराजित गरेका हुन् ।

नवनिर्वाचित यादवले ७ हजार ९ सय ८९ मत प्राप्त गरेका छन् भने एमालेका खड्काले ७ हजार ८ सय ११ मत प्राप्त गरे । त्यस्तै उपप्रमुखमा कांग्रेसकी सावित्रा गौतम निर्वाचित भएकी छिन् ।

उनले ८ हजार २ सय ७ मत प्राप्त गरेकी छिन् । उनका प्रतिद्धन्द्धी एमालेकी टिका शम्शेली मगरले ७ हजार ४ सय ६२ मत ल्याएकी हुन् । तेस्रो स्थानमा माओवादी केन्द्रका गेहन्द्र ढकालले ५ हजार १० र उपप्रमुखमा इन्दिरा सुवेदीले ४ हजार ९ सय ३९ मत प्राप्त गरे ।

बर्दियाको ८ पालिकामध्ये ५ पालिकाको परिणाम घोषणा भइसकेको छ । कांग्रेसले बारबर्दिया, मधुवन, गुलरिया नगर र गेरुवा गाँउपालिकामा विजयी भएको छ भने माओवादी केन्द्र राजापुर नगरपालिकामा निर्वाचित भएको छ ।

प्रकाशित : जेष्ठ ४, २०७९ ०७:४७
प्रतिक्रिया
पठाउनुहोस्

राजापुर नगरपालिकामा माओवादीका चौधरी विजयी

कमल पन्थी

बर्दिया — जिल्लाको राजापुर नगरपालिकामा माओवादी केन्द्रका दिपेश चौधरी नगर प्रमुखमा निर्वाचित भएका छन् । उनले कांग्रेसका प्रमुखका उम्मेदवार दिपक जंग शाहलाई ४७ मत अन्तरले हराए ।

निर्वाचन अधिकृत दशरथ गौतमका अनुसार चौधरीले ९ हजार ८ सय ७ मत प्राप्त गरेका छन् । उनका प्रतिद्वन्द्वी कांग्रेसका शाहले ९ हजार ७ सय ६० मत पाए ।

यसैगरी उपमेयरमा माओवादी केन्द्रकी मनकलाकुमारी चौधरीले १० हजार ८६ मत प्राप्त गरी विजयी भएकी छन् । उनी ०७४ को निर्वाचनमा पनि उपप्रमुखमा निर्वाचित भएकी थिइन । उनकी प्रतिद्वन्द्वी कांग्रेसकी यशोधा थारुले १० हजार ४५ मत प्राप्त गरिन् ।

तेस्रो स्थानमा एमालेका प्रमुखका उम्मेदवार पहाडी थारुले ६ हजार ७२ र उपप्रमुखमा ५ हजार ४ सय २२ मत प्राप्त गरेकी छिन् । प्रमुख पदमा निर्वाचित चौधरी लुम्बिनी प्रदेशसभा सदस्यबाट राजीनामा दिएर चुनाव लडेका हुन् ।

प्रकाशित : जेष्ठ ३, २०७९ २०:१६
पूरा पढ्नुहोस्
प्रतिक्रिया
पठाउनुहोस्
×