सल्यानको  दार्मा गाउँपालिकामा माओवादीका उम्मेदवार विजयी - स्थानीय तह निर्वाचन २०७९ - कान्तिपुर समाचार

सल्यानको  दार्मा गाउँपालिकामा माओवादीका उम्मेदवार विजयी 

विप्लव महर्जन

सल्यान — दार्मा गाउँपालिका अध्यक्षमा माओवादी केन्द्रका नीमबहादुर केसी र उपाध्यक्षमा माओवादी केन्द्रकै जुना मल्ल चन्द विजयी भएका छन्  । आफ्ना निकटतम प्रतिस्पर्धीलाई एक हजारभन्दा बढीको मत अन्तरले पछि पार्दै अध्यक्षमा केसी र उपाध्यक्षमा चन्द निर्वाचित भएका हुन् ।

पालिकाको अध्यक्षमा विजयी भएका केसीले ४ हजार ४ सय ६४ मत ल्याएका थिए । उनका निकटतम प्रतिद्वन्द्वी कांग्रेसका रामचन्द्र केसीले ३ हजार १४ मत ल्याएका थिए । एमालेका गणेशमान सिंहले १ हजार १ मत ल्याएका थिए । निर्वाचित केसीले रामचन्द्रलाई १ हजार ४ सय ५० मतले पछि पारेका थिए भने चन्दलाई ३ हजार बढि मतले पछि पारेका थिए ।

यस्तै उपाध्यक्षमा विजयी भएकी माओवादी केन्द्रकै जुना मल्ल चन्दले ४ हजार ४ सय ६६ मत ल्याएकी छन् । उनका निकटतम प्रतिद्वन्द्वी कांग्रेसकी उम्मेदवार उषा चन्दले २ हजार ८ सय ६४ मत ल्याएक थिइन भने एमालेकी पुतला खड्काले १ हजार ६ मत ल्याएकी थिइन् । उपाध्यक्ष निर्वाचित चन्दले उषा चन्दलाई १ हजार ४ सय ५२ मतान्तरलेपछि पारेकी थिइन् भने खड्कालाई ३ हजारभन्दा बढीको मतान्तरले पछि परेकी हुन् ।

मतगनना सुरु भएदेखि नै पालिकाको अध्यक्ष, उपाध्यक्ष पदमा प्रतिस्पर्धा भएको थियो । दार्माका ७ वडामा पनि माओवादी केन्द्रले नै जितेको छ ।

अध्यक्षमा निर्वाचित केसीको यो दोस्रो कार्यकाल हो । उनले ०७४ को स्थानीय तह निर्वचनमा पनि जित हासिल गरेका थिए ।

दार्मा गाउँपालिकाका निर्वाचन अधिकृत पवनकुमार तिमिल्सिनाले बुधबार नै निर्वाचित टोलीलाई प्रमाणपत्र र सपथ खुवाउने बताएका छन् । दार्मामा १२ हजार ४ सय ३७ मतदाता रहेका मध्ये ९ हजार १ सय ४५ ले मतदान गरेका थिए ।

जिल्लाको १० स्थानीयतह मध्ये अहिलेसम्म ९ को मतगणना सकिएको छ । कांग्रेसले चार, माओवादी केन्द्रले दुई, एमालले दुई र एकीकृत समाजवादीले एक पालिकामा जित हासिल गरेका छन् । बागचौर नगरपालिको मत गणना भइरहेको छ । उक्त नगरपालिकामा माओवादी केन्द्रका उम्मेदवारले अग्रता लिइरहेका छन् ।

प्रकाशित : जेष्ठ ४, २०७९ ०७:३२
प्रतिक्रिया
पठाउनुहोस्

पर्साको धोबीनी गाउँपालिका अध्यक्षमा जसपाका चौहान निर्वाचित

विप्लव महर्जन

काठमाडौँ — पर्साको धोबीनी गाउँपालिकाको अध्यक्षमा जनता समाजवादी पार्टी, नेपाल (जसपा)का मदनप्रसाद चौहान निर्वाचित भएका छन् ।

चौहानले ३ हजार ९१ मत ल्याई विजयी भएका छन् । उनले निकटतम प्रतिद्वन्द्वी नेपाली कांग्रेस उम्मेदवार बशीष्‍टनारायणप्रसाद कुर्मीलाई २० मतान्तरले पराजित गरेका हुन् । पराजित बशीष्‍टनारायणप्रसाद कुर्मीले ३ हजार ७१ मत ल्याएका छन् ।

यस्तै उपाध्यक्षमा नेपाली कांग्रेसकी मञ्जु देवी निर्वाचित भएकी छन् । उनले ३ हजार १ हजार ४३ मत ल्याएकी छन् । उनकी निकटतम प्रतिद्वन्द्वी जसपाकी प्रियंकादेवी यादवले भने २ हजार ५ सय ७७ मत ल्याएकी छन् ।

प्रकाशित : जेष्ठ ४, २०७९ ०४:२५
पूरा पढ्नुहोस्
प्रतिक्रिया
पठाउनुहोस्
×