छत्रेस्वरी गाउँपालिकामा एमाले विजयी- स्थानीय तह निर्वाचन २०७९ - कान्तिपुर समाचार

छत्रेस्वरी गाउँपालिकामा एमाले विजयी

विप्लव महर्जन

सल्यान — जिल्लाको छत्रेस्वरी गाउँपालिकामा एमालेका उम्मेदवार विजयी भएका छन् । गाउँपालिका अध्यक्ष पदमा एमालेका ओजबहादुर बुढाथोकी विजयी भएका छन् । निकटतम प्रतिद्वन्द्वीलाई १ हजार २ सय ६९ मतले पछि पार्दै बुढाथोकेी विजयी भएका हुन् ।

विजयी भएका बुढाथोकीले ३ हजार ८ सय ९२ मत ल्याएका छन् । उनका निकटतम प्रतिद्वन्द्वी कांग्रेसका केशबहादुर विष्टले २ हजार ६ सय २३ र माओवादी केन्द्रका प्रेम खडकाले २ हजार ५ सय ९ मत ल्याएका छन् ।

यस्तै, उपाध्यक्षमा पनि एमालेकै बुद्धाकुमारी खत्री विजयी भएकी छन् । विजयी भएकी खत्रीले ३ हजार ३ सय ८२ मत ल्याएकी छन् भने उनकी प्रतिद्वन्द्वी कांग्रेसकी सीता गिरीले ३ हजार ४७ र नेकपा समाजवादीका राजबहादुर बुढाथोकीले १ हजार ९ सय ८८ मत ल्याएका छन् ।

उपाध्यक्षमा खत्रीले कांग्रेसकी सीता गिरीलाई ३ सय ३५ र बुढाथोकीलाई १ हजार ३ सय ९४ मतले पछि पारेकी छन् । मतगणनाका क्रममा अध्यक्ष, उपाध्यक्ष पदमा कांग्रेस, एमाले र माओवादी केन्द्रका उम्मेदवारबीच त्रिपक्षीय प्रतिस्पर्धा भएको थियो । योभन्दा अघि ०७४ को स्थानीय तहको निर्वाचनमा छत्रेस्वरी गाउँपालिकामा अध्यक्ष तथा उपाध्यक्ष दुवै पदमा कांग्रेसले जितेको थियो ।

विजयी भएकालाई बुधबार एक कार्यक्रम गरी प्रमाणपत्र र शपथ खुवाइने निर्वाचन अधिकृत जयप्रसाद धितालले बताए । १५ हजार ६ सय ९८ मतदाता रहेको छत्रेस्वरीमा यहि वैशाख ३० गते भएको निर्वाचनमा विभिन्न मतदान केन्द्रबाट १० हजार ४ सय ६२ ले मतदान गरेका जानकारी गराए । उनका अनुसार पालिकाका सात वडामा एमाले, कांग्रेस र माओवादीले जितेका छन् ।

यस्तै जिल्लाको १० पालिकामा अहिलेसम्म सात पालिकाको निर्वाचन सम्पन्न भएको छ । तीन वटामा कांग्रेसले अध्यक्षमा, दुई वटामा एमालेले, एक–एक वटामा समाजवादीले र माओवादीले जित हासिल गरेको छ ।


प्रकाशित : जेष्ठ ४, २०७९ ०२:४५
प्रतिक्रिया
पठाउनुहोस्

कालिमाटी गाउँपालिकामा एमालेका खत्री निर्वाचित

विप्लव महर्जन

सल्यान — जिल्लाको कालिमाटी गाउँपालिकामा अध्यक्षमा एमालेका दानबहादुर खत्री विजयी भएका छन् । उपाध्यक्षमा एमालेकी सहनसिलता ओली विजयी भइन् ।

खत्रीले ३ हजार ७ सय ४१ र ओलीले ३ हजार ३ सय ७२ मत प्राप्त गरे । खत्रीका निकटतम प्रतिद्वन्द्वी नेकपा माओवादी केन्द्रका पुरुषोत्तम भटराईले ३ हजार १ सय २९ र कांग्रेसका भरत पुनले २ हजार ३ सय ७९ मत ल्याए ।

त्यसैगरी उपाध्यक्षमा विजयी भएकी सहनसिलता ओलीकी निकटतम प्रतिद्वन्द्वी एकीकृत समाजवादीका ज्ञानबहादुर खत्रीले २ हजार ७ सय ८६ र कांग्रेसकी काशिमाया रानाले २ हजार ३ सय ५२ मत प्राप्त गरिन् । खत्री ०७४ को स्थानीय निर्वाचनमा अध्यक्ष पदमा र ओली उपाध्यक्ष पदमा विजयी भएका थिए । कालिमाटी गाउँपालिका एमालेको बाहुल्यता रहेको छ ।

कालिमाटी गाउँपालिकाका १५ हजार ८६ मतदातामध्ये निर्वाचनमा १० हजार १ सय ६६ ले मतदान गरेको निर्वाचन अधिकृत मनोहर घिमिरेले बताए ।

प्रकाशित : जेष्ठ ३, २०७९ २०:५८
पूरा पढ्नुहोस्
प्रतिक्रिया
पठाउनुहोस्
×