ओखलढुंगाको सुनकोशीमा कांग्रेसका कमल र सुनिता विजयी
ओखलढुंगा — सुनकोशी गाउँपालिकाको अध्यक्षमा नेपाली कांग्रेसका कमल तामाङ र उपाध्यक्षमा सुनिता अधिकारी विजयी भएका छन् । तामाङले ५ हजार ३ सय ९९ मत प्राप्त गरे । उनका प्रतिस्पर्धी नेकपा एमालेका इन्द्र खड्काले ४ हजार १ सय ७४ मत पाए ।
त्यसैगरी उपाध्यक्षमा सुनिता अधिकारीले ५ हजार २ सय १५ मत पाइन् । उनकी प्रतिस्पर्धी एमालेकी सरस्वती कार्कीले ४ हजार १ सय ८८ मत ल्याइन् ।
अध्यक्षका विजेता तामाङ कांग्रेस जिल्ला कार्यसमितिका उपसभापति हुन् । उनी वैदेशिक रोजगार व्यवसायी संघका पूर्वअध्यक्षसमेत हुन् । त्यसैगरी उपाध्यक्ष सुनिता अधिकारी कांग्रेस महाधिवेशन प्रतिनिधि हुन् ।
प्रकाशित : जेष्ठ ३, २०७९ २१:१५