छेडागाडको मेयरमा कांग्रेसका खड्का र उपमेयरमा माओवादीका थापा विजयी

खड्काले नेकपा एमालेका उम्मेदवार एवं निवर्तमान नगरप्रमुख लालबहादुर महतारालाई ३ हजार ६३६ मत अन्तरले पराजित गरे । महताराले ५ हजार ५ सय ३७ मत प्राप्त गरेका छन् । अघिल्लो निर्वाचनमा महताराले खड्कालाई पराजित गरेका थिए ।

उपमेयरमा माओवादी केन्द्रका चन्द्रबहादुर थापा ७ हजार ९ सय ६८ मतसहित निर्वाचित भएका छन् । एमालेका उम्मेदवार अन्जुकुमारी थापाले ६ हजार ३१ मत ल्याइन् ।

छेडागाड नगरपालिकामा कांग्रेस र माओवादीको गठबन्धन थियो भने एमाले एक्लै प्रतिस्पर्धामा थियो । छेडागाड नगरपालिकामा ३ वटा वडा एमाले, ४ वटा माओवादी, ४ वटा कांग्रेस र १ वडा समाजवादीले जितेको छ ।