ऋषिङ गाउँपालिकाको अध्यक्षमा कांग्रेसका श्रेष्ठ विजयी- स्थानीय तह निर्वाचन २०७९ - कान्तिपुर समाचार

ऋषिङ गाउँपालिकाको अध्यक्षमा कांग्रेसका श्रेष्ठ विजयी

सम्झना रसाइली

तनहुँ — जिल्लाको ऋषिङ गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार निर्वाचित भएका छन् । गाउँपालिकाको अध्यक्षतमा राजेन्द्रकृष्ण श्रेष्ठ र उपाध्यक्षमा गिनु थापा निर्वाचित भएका हुन् । यसघिको निर्वाचनमा पनि दुवै जना निर्वाचित भएका थिए ।

अध्यक्षका उम्मेद्वार श्रेष्ठले तीन हजार ३३५ मत प्राप्त गरी विजयी भएका छन् भने उनका प्रतिस्पर्धी नेकपा एमालेका उम्मेदवार हरिराज कँडेलले दुई हजार ७९२ र स्वतन्त्र उम्मेदवार श्रीराम थापाले पुतली चिन्हबाट तीन हजार ३३ मत प्राप्त गरेका थिए ।

यस्तै, उपाध्यक्ष पदमा ४ हजार ४२९ मत प्राप्त गरी पुनः गिनु थापा विजयी भएकी छन् । उनकी प्रतिस्पर्धी नेकपा माओवादी केन्द्रका उम्मेदवार मधुप्रसाद थापाले तीन हजार ४८९ मत प्राप्त गरेका छन् ।

१८ हजार २३८ मतदाता रहेकोमा १० हजार ६७७ मत खसेको आठ वटा वडा मध्ये २, ३, ४, ५ र ६ नम्बर वडा नेपाली कांग्रेस, ७ र ८ नम्बर वडा स्वतन्त्र र १ नम्बर वडा नेकपा माओवादी केन्द्रका उम्मेदवार निर्वाचित भएका छन् ।

प्रकाशित : जेष्ठ ३, २०७९ १८:४०
प्रतिक्रिया
पठाउनुहोस्

बन्दिपुर गाउँपालिका अध्यक्षमा एमाले र उपाध्यक्षमा कांग्रेसका उम्मेदवार निर्वाचित

सम्झना रसाइली

(तनहुँ) — तनहुँको बन्दिपुर गाउँपालिकाको अध्यक्षमा एमालेका उमेदवार सुरेन्द्र थापा र उपाध्यक्षमा कांग्रेसकी उम्मेदवार पञ्चमाया गुरुङ निर्वाचित भएका छन् ।

अध्यक्षमा निर्वाचित थापाले ३ हजार २ सय २९ मत र उपाध्यक्षमा निर्वाचित गुरुङले ३ हजार २७ मत प्राप्त गरेका छन् ।

अध्यक्षका प्रतिस्पर्धी माओवादी केन्द्रका उमेदवार पूर्णसिं थापाले ३ हजार १ सय ६६ भोट र उपाध्यक्षमा करुणा गुरुङले ३ हजार २५ भोट प्राप्त गरेका छन् । पूर्णसिं र करुणा यसै गाउँपालिकाका निवर्तमान अध्यक्ष र उपाध्यक्ष समेत हुन् ।

बन्दिपुरको ६ वडामध्ये एमालेले ३, माओवादी केन्द्रले २ र कांग्रेसले एक वडा जितेको छ ।

प्रकाशित : जेष्ठ ३, २०७९ १२:२८
पूरा पढ्नुहोस्
प्रतिक्रिया
पठाउनुहोस्
x
×