पर्वतको जलजलाको अध्यक्षमा कांग्रेस र उपाध्यक्षमा माओवादी विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

पर्वतको जलजलाको अध्यक्षमा कांग्रेस र उपाध्यक्षमा माओवादी विजयी

अगन्धर तिवारी

पर्वत — पर्वतको जलजला गाउँपालिकामा नेपाली कांग्रेसका उम्मेदवार राजुप्रसाद आचार्य विजयी भएका छन् । आचार्यले ५६५७ मत ल्याएर निर्वाचित हुँदा एमालेका उम्मेदवार लालबहादुर अधिकारीले ४१८४ मत ल्याएका छन् । 

जलजलाकै उपाध्यक्षमा गठबन्धनका तर्फबाटै उम्मेदवारी दिएका नेकपा माओवादी केन्द्रका दीपक आचार्य निर्वाचित भए । आचार्यले ४७९२ मत ल्याएर निर्वाचित हुँदा एमालेकी उम्मेदवार सुनिता बरुवालले ४७१५ मत ल्याइन् । ९ वटा वडा रहेको जलजलामा १, २, ३, ४ र ५ वडामा एमालेका उम्मेदवार विजयी भएका छन् । ६ र ८ मा नेपाली कांग्रेस तथा ७ र ९ मा माओवादीका उम्मेदवार विजयी भएका छन् ।

जलजलामा कांग्रेस र माओवादीको गठबन्धन थियो । अघिल्लो निर्वाचनमा फराकिलो मतान्तरले जितेका वडा नम्बर २, ३ र ४ वडा कांग्रेसले गुमायो । एमालेले अघिल्लोपटकको निर्वाचनमा जितेको वडा नम्बर ६ गुमायो ।

प्रकाशित : जेष्ठ ३, २०७९ १८:३५
प्रतिक्रिया
पठाउनुहोस्

पर्वतको फलेवासमा कांग्रेसका तिवारी विजयी

अगन्धर तिवारी

पर्वत — पर्वतको फलेवास नगरपालिकामा नेपाली कांग्रेसका उम्मेदवार गंगाधर तिवारी विजयी भएका छन् । तिवारीले ७ हजा ७०० मत ल्याएर निर्वाचित हुँदा एमालेका उम्मेदवार पदमपाणी शर्माले ६ हजार ३८० मत ल्याए ।  शर्मा फलेवासका संस्थापक नगरप्रमुख समेत हुन् । २०७४ को स्थानीय निर्वाचनमा उनै शर्मासँग ३४८ मतले पराजित भएका तिवारी यो निर्वाचनमा भने आफ्ना अघिल्लो प्रतिस्पर्धीलाई फराकिलो मतान्तरले पछि पार्न सफल भएका हुन् । 


फलेवासकै उपप्रमुखमा गठबन्धनको तर्फबाटै उम्मेदवारी दिएकी नेकपा माओवादी केन्द्रकी शोभाकुमारी क्षेत्री निर्वाचित भइन् । क्षेत्रीले ६३२७ मत ल्याउँदा संस्थापक उपप्रमुख समेत रहेकी मञ्जु अधिकारीले ६०५७ मत ल्याइन् । अघिल्लो निर्वाचनमा पनि माओवादी केन्द्रबाटै उपप्रमुखमा उम्मेदवारी दिएकी क्षेत्रीले त्यतिबेला ६९६ मत मात्रै ल्याएकी थिइन् । योसँगै फलेवासका ११ मध्ये ६ वडामा नेपाली कांग्रेस र पाँच वडामा एमालेका उम्मेदवार विजयी भएका छन् ।

वडा नम्बर १ कार्कीनेटा, ३ शंकरपोखरी, ४ मुडीकुवा, ६ देवीस्थान, ९ भंगरा र वडा नम्बर १० कुर्घामा नेपाली कांग्रेसका अध्यक्ष निर्वाचित भए । वडा नम्बर २ थापाठाना, ५ खानीगाउँ, ७ लिमिठाना, ८ ठानामौला र वडा नम्बर ११ पाङराङमा भने नेकपा एमालेका उम्मेदवार विजयी भए । कांग्रेसले अघिल्लो निर्वाचनमा जितेको पाङराङ गुमाउँदा अघिल्लोपटक गुमाएको कार्कीनेटा, मुडिकुवा, भंगरा र कुर्घा फिर्ता ल्यायो । पाङराङ कांग्रेसको गढ मानिन्थ्यो भने कार्कीनेटा, कुर्घा र मुडिकुवा एमालेको ।


प्रकाशित : जेष्ठ ३, २०७९ १२:०२
पूरा पढ्नुहोस्
प्रतिक्रिया
पठाउनुहोस्
×