महालक्ष्मी नगरपालिकाको मेयरमा कांग्रेस, उपमेयरमा एमाले विजयी - स्थानीय तह निर्वाचन २०७९ - कान्तिपुर समाचार

महालक्ष्मी नगरपालिकाको मेयरमा कांग्रेस, उपमेयरमा एमाले विजयी 

रमेशचन्द्र अधिकारी

धनकुटा — धनकुटाको महालक्ष्मी नगरपालिकाको मेयरमा नेपाली कांग्रेसका उम्मेदवार ध्रुवराज राय निर्वाचित भएका छन् ।

अन्तिम नतिजाअनुसार गठबन्धनका तर्फबाट उमेद्वार रायले ६३२८ मत सहित एमालेका उमेद्वार दिपक बुढाथोकीलाई पराजित गरेका हुन् । निकटतम प्रतिस्पर्दी बुढाथोकीले ५१३९ मत प्राप्त गरेका छन् ।

यसैगरी, उपप्रमुख पदमा नेकपा एमालेका उम्मेदवार मञ्जुकुमारी कार्की अधिकारी विजयी भएकी छिन् । उनले ५३८४ मतका साथ निकटतम प्रतिस्पर्दी माओवादी केन्द्रका उमेद्वार प्रेम खड्कालाई पराजित गरेकी हुन् । पराजित खड्काले ४९३४ मत प्राप्त गरेका छन् ।

प्रकाशित : जेष्ठ ३, २०७९ १७:१०
प्रतिक्रिया
पठाउनुहोस्

धनकुटाको मेयरमा एमालेका तामाङ १४ मतले विजयी

रमेशचन्द्र अधिकारी

धनकुटा — धनकुटा नगरपालिकामा प्रमुख र उपप्रमुख दुवै पदमा एमालेका उम्मेदवारहरू विजयी भएका छन् । तामाङले १४ मत अन्तरले मेयर पदमा विजयी भएका हुन् ।

उनले ७ हजार ६ सय ६६ मत प्राप्त गरे । उनका निकटतम प्रतिस्पर्धी गठबन्धनका तर्फबाट कांग्रेसका उम्मेदवार दिनेश राईले ७ हजार ६ सय ५० मत प्राप्त गरे ।

यसैगरी उपप्रमुखमा भीमादेवी खनालले गठबन्धनका तर्फबाट माओवादी केन्द्रका उम्मेदवार गणेशबहादुर विष्टलाई पराजित गरेकी छन् । उनले ७ हजार १ सय ९६ मत प्राप्त गरिन् । निकटतम प्रतिस्पर्धी विष्टले ६ हजार ६ सय २९ मत प्राप्त गरेको मुख्य निर्वाचन कार्यालयले जनाएको छ ।

शुक्रबार रातिदेखि थालिएको गणना मंगलबार बिहान सकिएको थियो । मतान्तरमा असन्तुष्टि जनाएको गठबन्धनले पुनर्योगको माग गर्दै निर्वाचन अधिकृत समक्ष निवेदन दिएको थियो । त्यसका कारण केहि ढिलाइ गरेर मात्र औपचारिक घोषणा गरिएको मुख्य निर्वाचन अधिकृत फणीन्द्रप्रसाद पराजुलीले जानकारी दिए ।

प्रकाशित : जेष्ठ ३, २०७९ १६:०४
पूरा पढ्नुहोस्
प्रतिक्रिया
पठाउनुहोस्
×