गोरखाको धार्चे गाउँपालिकाको अध्यक्षमा माओवादीका गुरुङ विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

गोरखाको धार्चे गाउँपालिकाको अध्यक्षमा माओवादीका गुरुङ विजयी

हरिराम उप्रेती

गोरखा — धार्चे गाउँपालिकाको अध्यक्ष र उपाध्यक्ष दुवै पदमा नेकपा माओवादी केन्द्र विजयी भएको छ । अध्यक्षमा लक्षमण गुरुङ र उपाध्यक्षमा माओवादीकै सुनिला गुरुङ विजयी बनेका छन् ।

लक्ष्मण ३ हजार ७ सय ७१ मत ल्याएर विजयी बने । उनका निकटतम प्रतिद्वन्द्वी नेपाली कांग्रेसका उम्मेदवार सन्तबहादुर गुरुङ(सन्तोष) १ हजार ९ सय ४६ मत ल्याएर पराजित बने । लक्ष्मण र सन्तोष २०७४ मा पनि प्रतिस्पर्धी हुन् ।

उपाध्यक्षमा विजयी बनेकी माओवादीकी उम्मेदवार सुनिलाले ३ हजार ७ सय ७९ मत ल्याएर विजयी बनिन् । उनकी निकटतम प्रतिद्वन्द्वी नेपाली कांग्रेसकी फुलमायाँ गुरुङले १ हजार ९ सय ७६ मत ल्याइन् ।

७ वडा रहेको धार्चे गाउँपालिकामा १, २, ४, ५ र ७ नम्बर वडाको वडा अध्यक्षमा नेकपा माओवादी केन्द्रले जितेको छ । ३ र ६ नम्बर वडाका वडा अध्यक्षमा एमाले जितेको छ ।

प्रकाशित : जेष्ठ ३, २०७९ १६:४७
प्रतिक्रिया
पठाउनुहोस्

बिन्दबासिनीमा एक भोटले कांग्रेसका वडाध्यक्ष विजयी

भूषण यादव

वीरगन्ज — पर्साको बिन्दबासिनी गाउँपालिका-३ को अध्यक्षमा एक मतले कांग्रेसका उम्मेदवार विजयी भएका छन् । कांग्रेसका जयप्रकाश चौरसियाले एक मतको अन्तरले एमालेका हनिफ मियाँ जोलाहालाई पराजित गरेको निर्वाचन कार्यालयले जनाएको छ ।

वडाध्यक्षमा निर्वाचित चौरसियाले एक हजार एक सय ८५ मत पाएका छन् भने उनका निकटतम प्रतिद्वन्द्वी एमालेका जोलाहाले एक हजार एक सय ८४ मत पाएका छन् ।

एक भोटले पराजित भएको जोलाहाले पुन गणनाको लागि निर्वाचन कार्यालयमा निवेदन दिएका छन् । उनले भने, ‘तीन भोटले म जितिसकेको जानकारी पाएपछि शौचका लागि बाहिर निस्किएको थिएँ, ’ उनले भने, ‘केही समयपछि माइकिङ हुँदा कांग्रेसका चौरसिया एक मतले विजयी भएको घोषणा गरे ।’ तत्काल पुन मतगणनाको माग राख्दा कुनै सुनवाई नभएको उनले बताए ।

‘जिल्लाबाट दबाब पुगेपछि विहान १० बजेमात्र पुन मतगणनाको निवेदन लिएका छन्,’ उनले भने, ‘मसँग अन्याय गरियो ।’ बिन्दबासिनी गाउँपालिकाका निर्वाचन अधिकृत अरुण कोइरालाले मुचुल्का बनाएर विजयी उम्मेदवारको नाम घोषणा भइसकेकाले पुनः मतगणनाको अधिकारी हामीलाई नभएको बताउँछन् ।

‘मुचुल्का नहुँदै पुनः मतगणनाको लागि निवेदन दिनुपर्छ,’ उनले भने, ‘नतिजा नै घोषणा भइसकेकाले अब पुनः मतगणनाको अधिकारी हामीलाई हुँदैन्, अदालत नै जानुपर्छ ।’

प्रकाशित : जेष्ठ ३, २०७९ १६:३९
पूरा पढ्नुहोस्
प्रतिक्रिया
पठाउनुहोस्
×