सुर्खेतको चिंगाडको अध्यक्षमा एमालेका जिसी विजयी

नेपाली कांग्रेसका उपसभापति पूर्णबहादुर खड्काको निर्वाचन क्षेत्र रहेको चिंगाडमा एमालेका बोधविक्रम जिसी ३ हजार ५ सय ९१ मतका साथ विजयी भएका हुन् ।

निर्वाचन अधिकृत उपेन्द्रकेशर खनालका अनुसार नेपाली कांग्रेसका डोरप्रसाद शर्माले ३ हजार ५ सय ५० मत प्राप्त गरी पराजित भएका छन् ।

गाउँपालिका उपाध्यक्षमा एमालेकै मीनाकुमारी रोकायाले विजयी हुँदा कांग्रेसकी मनमाया आचार्य पराजित भइन् । चिंगाडमा वडा नम्बर १, ४ र ५ एमालेले जितेको छ भने कांग्रेसले वडा नम्बर २, ३ र ६ मा जित हात पारेको छ ।