बन्दिपुर गाउँपालिका अध्यक्षमा एमाले र उपाध्यक्षमा कांग्रेसका उम्मेदवार निर्वाचित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बन्दिपुर गाउँपालिका अध्यक्षमा एमाले र उपाध्यक्षमा कांग्रेसका उम्मेदवार निर्वाचित

सम्झना रसाइली

(तनहुँ) — तनहुँको बन्दिपुर गाउँपालिकाको अध्यक्षमा एमालेका उमेदवार सुरेन्द्र थापा र उपाध्यक्षमा कांग्रेसकी उम्मेदवार पञ्चमाया गुरुङ निर्वाचित भएका छन् ।

अध्यक्षमा निर्वाचित थापाले ३ हजार २ सय २९ मत र उपाध्यक्षमा निर्वाचित गुरुङले ३ हजार २७ मत प्राप्त गरेका छन् ।

अध्यक्षका प्रतिस्पर्धी माओवादी केन्द्रका उमेदवार पूर्णसिं थापाले ३ हजार १ सय ६६ भोट र उपाध्यक्षमा करुणा गुरुङले ३ हजार २५ भोट प्राप्त गरेका छन् । पूर्णसिं र करुणा यसै गाउँपालिकाका निवर्तमान अध्यक्ष र उपाध्यक्ष समेत हुन् ।

बन्दिपुरको ६ वडामध्ये एमालेले ३, माओवादी केन्द्रले २ र कांग्रेसले एक वडा जितेको छ ।

प्रकाशित : जेष्ठ ३, २०७९ १२:२८
प्रतिक्रिया
पठाउनुहोस्

तनहुँको भिमाद नगर प्रमुख र उपप्रमुखमा एमाले विजयी

सम्झना रसाइली

(तनहुँ) — तनहुँको भिमाद नगरपालिकाको प्रमुख र उपप्रमुखमा एमालेले विजयी हासिल गरेको छ ।

सत्ता गठबन्धनका उम्मेद्वारलाई पराजित गर्दे प्रमुखमा दधिराज सुवेदीले ८ हजार १ सय २८ मत र उपप्रमुख शारदा खनालले ७ हजार ६ सय ६७ मत ल्याएर विजयी भएका हुन् ।

प्रतिस्पर्धी गठबन्धनबाट एकीकृत समाजवादीका काजीमान श्रेष्ठले ५ हजार ८ सय ५७ मत र कांग्रेसका मिलन आलेले ७ हजार २ सय ५ मत ल्याएका छन् । भिमादको वडा नम्बर–२, ३, ७, ८ र ९ एमालेले र वडा नम्बर १, ४, ५ र ६ कांंग्रेसले जितेको छ ।

प्रकाशित : जेष्ठ ३, २०७९ ११:१७
पूरा पढ्नुहोस्
प्रतिक्रिया
पठाउनुहोस्
×