गुल्मीको मुसिकोट नगरपालिकामा एमाले विजयी - स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

गुल्मीको मुसिकोट नगरपालिकामा एमाले विजयी 

गगनशिला खड्का

गुल्मी — गुल्मीको मुसिकोट नगरपालिकाको मेयर र उपमेयर एमालेका उम्मेदवार विजयी भएका छन् । मुसिकोट नगरपालिकाको मेयरमा एमालेका जीवलाल खरेल र उपमेयरमा एमालेकी गंगा श्रेष्ठ निर्वाचित भएका हुन् । मेयरमा खरेलले ७ हजार ३ सय ९९ र उपमेयमरमा श्रेष्ठले ७ हजार ११ मत ल्याएर विजयी भएको निर्वाचनअधिकृतको कार्यालयले जनाएको छ ।

नगर प्रमुखमा विजयी खरेलका निकटतम प्रतिद्वन्द्वी कांग्रेसका हरिनारायण सापकोटाले ६ हजार ६ सय ६ मत प्राप्त गरेका थिए । उपमेयरमा निर्वाचित श्रेष्ठका प्रतिद्वन्द्वी उपमेयरमा एकीकृत सामाजवादीका उम्मेदवार श्रीराम महतले ६ हजार ३ सय २३ मत ल्याएका छन् । नगरमा रहेका रहेका ९ वटा वडामध्ये ५ एमाले र ४ वडा कांग्रेसका उम्मेदवारले जितेका छन् ।


प्रकाशित : जेष्ठ ३, २०७९ १२:०७
प्रतिक्रिया
पठाउनुहोस्

त्रिवेणी-१ मा ओलीसहित स्वतन्त्र प्यानल निर्वाचित

हरि गौतम

रुकुम पश्चिम — रुकुम पश्चिमको त्रिवेणी गाउँपालिका वडा नं १ मा अध्यक्षका स्वतन्त्र उम्मेदवार सुन्दर ओलीसहित स्वतन्त्र प्यानल नै विजयी भएको छ । धारो चुनाव चिन्ह पाएका ओली ५ सय ६० मतसहित निर्वाचित भएका हुन् ।

निकटतम प्रतिस्पर्धी माओवादी केन्द्रका लक्ष्मण ओलीको पक्षमा ४ सय १७ मत मात्रै आयो । कांग्रेसबाट उम्मेदवार बनेका मुस्कान ओलीले ४४ मत पाए ।

स्वतन्त्रबाट जितेका ओली माओवादी केन्द्रको त्रिवेणी गाउँपालिका उपाध्यक्ष थिए । पार्टीबाट टिकट नपाएपछि उनले आफूसँगै सिंगो प्यानलमा नै स्वतन्त्र उम्मेदवारी गराएका थिए ।

यद्यपि माओवादीबाट आधिकारीक उम्मेदवारबारे पार्टीमा विवाद भयो । तर पार्टी निर्णय विपरीत स्वतन्त्र उम्मेदवारी दिएपछि उनलाई माओवादीले ६ महिनाका लागि निलम्बन समेत गरेको छ। हाल उनी पार्टीको जिम्मेवारीमा छैनन् ।

प्रकाशित : जेष्ठ ३, २०७९ १२:०३
पूरा पढ्नुहोस्
प्रतिक्रिया
पठाउनुहोस्
×