आँबुखैरेनी गाउँपालिका अध्यक्षमा माओवादी विजयी- स्थानीय तह निर्वाचन २०७९ - कान्तिपुर समाचार

आँबुखैरेनी गाउँपालिका अध्यक्षमा माओवादी विजयी

सम्झना रसाइली

तनहुँ — तनहुँको आँबुखैरेनी गाउँपालिकाको अध्यक्ष र उपाध्यक्षमा नेकपा (माओवादी) केन्द्रका उम्मेदवार विजयी भएका छन् । गाउँपालिकाको अध्यक्षमा शुक्र चुमान तीन हजार ९४० मत र उपाध्यक्षमा दुर्गा अर्यालले दुई हजार ८४८ मत ल्याएर विजयी भएका छन् ।



उनीहरूका प्रतिस्पर्धी अध्यक्षमा नेपाली कांग्रेसका गिरबहादुर थापाले २ हजार २३० मत र उपाध्यक्षमा पवित्रा गौलीले २ हजार १८३ मत प्राप्त गरेकी छन् ।

६ वटा वडा रहेको आँबुखैरेनीमा नेकपा माओवादीले तीन, नेपाली कांग्रेसले दुई र नेकपा (एमाले)ले एउटा वडा जितेको छ ।

प्रकाशित : जेष्ठ ३, २०७९ ०७:१९
प्रतिक्रिया
पठाउनुहोस्

तनहुँको देवघाटमा कांग्रेसका थापा र माओवादी केन्द्रका गुरुङ निर्वाचित

सम्झना रसाइली

तनहुँ — देवघाट गाउँपालिकाको अध्यक्षमा नेपाली कांग्रेसका तिलबहादुर थापा र उपाध्यक्षमा नेकपा माओवादी केन्द्रका भुवनसिं गुरुङ निर्वाचित भएका छन् । थापाले ४ हजार ३०६ मत ल्याएका छन् भने गुरुङले ३ हजार ७२१ मत ल्याएका छन् ।

उनीहरुका प्रतिस्पर्धी नेकपा एमालेबाट अध्यक्षमा दुर्गबहादुर थापाले ३ हजार ४८३ मत र उपाध्यक्षमा सवित्री न्यौपानेले ३ हजार ४६७ मत ल्याएका छन् । यहाँ एमाले विरुद्ध कांग्रेस र माओवादी केन्द्रले गठबन्धन गरेको थियो ।

यस्तै, देवघाट–१ मा एमालेका मनिराज गुरुङ, देवघाट–२ मा कांग्रेसका मीनबहादुर राना, देवघाट–३ मा कांग्रेसका टेकबहादुर आले, देवघाट–४ मा एमालेका मित्रलाल गुरुङ र देवघाट–५ मा कांग्रेसका पुर्णबहादुर गुरुङ वडाध्यक्षमा निर्वाचित भएका छन् ।


प्रकाशित : जेष्ठ २, २०७९ १७:५१
पूरा पढ्नुहोस्
प्रतिक्रिया
पठाउनुहोस्
×