खोटाङको रावाबेसीमा कांग्रेसका श्रेष्ठ निर्वाचित- स्थानीय तह निर्वाचन २०७९ - कान्तिपुर समाचार

खोटाङको रावाबेसीमा कांग्रेसका श्रेष्ठ निर्वाचित

डम्बरसिं राई

खोटाङ — रावाबेसी गाउँपालिका अध्यक्षमा कांग्रेसका फटिककुमार श्रेष्ठ विजयी भएका छन् । उनले २ हजार चार सय ८९ मत ल्याएर विजयी भएका हुन् । श्रेष्ठका निकटतम प्रतिद्वन्द्वी नेकपा एमालेका हरिकुमार पोखरेलले २ हजार ३ सय ३ मत ल्याएर पराजय बेहोरेका छन् ।

उपाध्यक्षमा नेकपा एमालेकी कौशिलाकुमारी गुरुङले विजयी भएकी छन् । उनले २ हजार २ सय ५७ मत ल्याइन् । उनका निकटतम प्रतिद्वन्द्वी नेकपा माओवादी केन्द्रका लिलानारायण श्रेष्ठले २ हजार १ सय २० मत ल्याएको निर्वाचन अधिकृत लालबहादुर कार्कीले बताए । उक्त पालिकामा कांग्रेस र माओवादी केन्द्रको गठबन्धन थियो ।


प्रकाशित : जेष्ठ ३, २०७९ ०२:०६
प्रतिक्रिया
पठाउनुहोस्

खोटाङको साकेलामा कांग्रेसका रविप्रकाश र माओवादीकी बिर्सिका निर्वाचित

डम्बरसिं राई

खोटाङ — साकेला गाउँपालिकाको अध्यक्षमा कांग्रेसका रविप्रकाश राई विजयी भएका छन् । उनले एक हजार आठ सय ५० मत ल्याएर विजयी भएका हुन् । राईका निकटतम् प्रतिद्वन्द्वी नेकपा माओवादी केन्द्रका अर्जुनकुमार खड्काले एक हजार सात सय ७२ मत ल्याएर पराजित भए ।

एमालेका गोपीकृष्ण खड्काले नौ सय ६७ मत ल्याएका छन् । उपाध्यक्षमा नेकपा माओवादी केन्द्रकी बिर्सिका राई विजयी भएकी छन् । उनले दुई हजार १२ मत ल्याइन् ।

उनकी निकटतम् प्रतिद्वन्दी कांग्रेसकी सरिता खड्काले एक हजार २४ मत र एमालेकी दिलकुमारी राईले नौ सय ८६ मत ल्याएकी छन् ।


प्रकाशित : जेष्ठ २, २०७९ २०:००
पूरा पढ्नुहोस्
प्रतिक्रिया
पठाउनुहोस्
x
×