सिन्धुपाल्चोक बलेफीको अध्यक्षमा माओवादी र उपाध्यक्षमा कांग्रेस विजयी
सिन्धुपाल्चोक — बलेफी गाउँपालिका अध्यक्षमा नेकपा (माओवादी केन्द्र)का गंगाबहादुर तामाङ ४ हजार ६६६ मतसहित निर्वाचित भएका छन् । उनी माओवादी र एकीकृत समाजवादी गठबन्धनका उम्मेदवार हुन् ।
उनका निकटतम प्रतिद्वन्द्वी कांग्रेसका सुवास तिमिल्सनाले ४ हजार १०५ मत पाएका थिए । एमालेका नारायणकाजी श्रेष्ठ ३ हजार ३८ पाए ।
उपाध्यक्षमा भने कांग्रेसबाट सरु लामा तामाङ ४ हजार ३९४ मत प्राप्त गरी निर्वाचित भएकी छन् । उनका निकटतम प्रतिस्पर्धी एमालेकी सपना थापाले ३ हजार ६३३ मत ल्याएका थिए । एकीकृत समाजवादीका ढालबहादुर थापाले २ हजार ४१८ मत पाएका छन् ।