पाँचथरको हिलिहाङ गाउँपालिका अध्यक्षमा कांग्रेसका अधिकारी निर्वाचित

अधिकारीले ४ हजार ५ सय ६५ मत प्राप्त गर्दा लिङ्देनलाई ४ हजार ३ सय ५८ मत प्राप्त भएको निर्वाचन अधिकृतको कार्यालयले जनाएको छ । उपाध्यक्ष पदमा भने नेकपा एमालेकी सुमित्रा उप्रेती सेढाईं विजयी भएकी छिन । उनले नेपाल कम्युनिस्ट पार्टी एकीकृत समाजवादीका भवानीप्रसाद लिङ्देनलाई १८ मतले हराएकी हुन् ।

उप्रेतीले ४ हजार १ सय ४६ मत प्राप्त गर्दा लिङ्देनले ४ हजार १ सय १८ मत पाएका थिए । २०७४ सालको स्थानीय तह निर्वाचनमा यो गाउँपालिकाका ३ जना वडा सदस्यबाहेक सबै पदमा नेकपा एमाले विजयी भएको थियो ।

हिलिहाङमा नेपाली कांग्रेस,माओेवादी केन्द्र र नेपाल कम्युनिस्ट पार्टी एकीकृत समाजवादीको गठबन्धन भएको थियो भने । एमालेले राप्रपासँग तालमेल गरेको थियो ।