मुगुम कार्मारोङमा कांग्रेसका छिरिङक्याप्ने र एमालेकी छिरिङफुटिक बिजयी - स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

मुगुम कार्मारोङमा कांग्रेसका छिरिङक्याप्ने र एमालेकी छिरिङफुटिक बिजयी 

राजबहादुर शाही

मुगु — मुगुम कार्मारोङ गाउँपालिकाको अध्यक्षमा नेपाली कांग्रेसका छिरिङक्याप्ने लामा र उपाध्यक्षमा नेकपा एमालेकी छिरिङफुटिक लामा बिजयी भएका छन् । छिरिङक्याप्नेले १५ सय ७१ मत ल्याएर अध्यक्षमा बिजयी भएका छन् भने उनका निकटतम प्रतिद्वन्द्वी एमालेका सोनाम लामाले १४ सय ८१ मत प्राप्त गरेका छन् ।


त्यस्तै, गाउँपालिकाको उपाध्यक्षमा एमालेकी छिरिङ फुटिकले १५ सय ६१ मत प्राप्त गरि बिजयी भएकी छन् । उनकी निकटतम प्रतिस्पर्धी नेकपा माओबादी केन्द्रका गुरुस्याङग्याप लामाले १३ सय ८५ मत ल्याएका छन् ।

यहाँ कांग्रेस-माओवादी केन्द्रबीच चुनावी तालमेल थियो । २०७४ सालको स्थानीय निर्बाचनमा अध्यक्ष पद जित्न सफल भएका छिरिङक्याप्ने अहिले दोहोरिएका हुन् । उनले पहिलो कार्यकालमा राम्रो काम गरेको स्थानीयबासी बताउँछन् ।

प्रकाशित : जेष्ठ २, २०७९ १८:०४
प्रतिक्रिया
पठाउनुहोस्

स्थगित मतदान कार्य शान्तिपूर्वक सम्पन्न

रमेशचन्द्र अधिकारी

धनकुटा — धनकुटाको सहीदभूमी गाउँपालिका–६ स्थित ठाकुरदेवी माध्यमिक विद्यालय केन्द्रमा स्थगित भएको मतदान कार्य सोमबार शान्तिपूर्ण रूपमा सम्पन्न भएको छ ।

उक्त विद्यालय र वडा कार्यालय भवनका रहेका तीन वटा केन्द्रमा गत शुक्रबार अनुपस्थित रहेका मतदाताको नाममा मतदान गरेको विषयमा सत्ता गठबन्धन र नेकपा एमाले कार्यकर्ताबीच विवाद उत्पन्न भएको थियो ।

सोमबार बिहान ७ देखि सुरु भइ बेलुकी ५ बजेसम्म मतदान कार्य सकिएको थियो । जसमा ७४.०२ प्रतिशत मतदान गरेको निर्वाचन अधिकृत रुद्र गिरीले जानकारी दिए । उक्त केन्द्रमा कुल २५१३ मतदातामध्ये १८६० जनाले मतदान गरेको गिरीले बताए ।

मतगणना कार्य सर्वदलीय बैठकपछि रातिदेखि सुरु गरिने जनाइएको छ । मतदानस्थलमा म्यादीसहित नेपाल प्रहरी, सशस्त्र प्रहरी तथा नेपाली सेनाले सुरक्षा दिएका थिए । गत शुक्रबार उक्त मतदानस्थलका तीन वटा केन्द्रमा २० प्रतिशत मत खसेपछि मतदान कार्य स्थगित भएको थियो ।

प्रकाशित : जेष्ठ २, २०७९ १८:०३
पूरा पढ्नुहोस्
प्रतिक्रिया
पठाउनुहोस्
×