बैतडीको सिगास गाउँपालिका अध्यक्षमा कांग्रेसका धामी विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बैतडीको सिगास गाउँपालिका अध्यक्षमा कांग्रेसका धामी विजयी

तृप्ति शाही

बैतडी — बैतडीको सिगास गाउँपालिकामा नेपाली कांग्रेसका हरिसिंह धामी विजयी भएका छन् । धामी ३ हजार ४ सय ४९ मतसहित निर्वाचित भएका हुन् । उनका निकटतम प्रतिद्वन्द्वी एमालेका जस्वीर सिंह बोहराले १ हजार ८ सय मत प्राप्त गरे । धामीले गएको स्थानीय तहको निर्वाचनमा पनि कांग्रेसबाटै पालिकाको अध्यक्षमा जितेका थिए ।

यस्तै सिगास गाउँपालिकाको उपाध्यक्षमा भने एमालेले जितेको छ । एमालेकी धाना धामीले २९ सय ३९ मतसहित जित हासिल गरिन् । उनकी निकटतम प्रतिद्वन्द्वी कांग्रेसकी सुमित्रा ऐरले २६ सय ९६ मत प्राप्त गरेकी छन् ।

९ वटा वडा रहेको सिगास गाउँपालिकाको वडा नम्बर १ मा कांग्रेसका रामचन्द्र ऐरीले जितेका छन् । वडा नम्बर २ मा एमालेका ठगेन्द्र ऐरले जितेका छन् भने वडा नम्बर ३ मा कांग्रेसका अमर सिंह धामीले जितेका छन् । यस्तै वडा नम्बर ४ मा कांग्रेसका हरी सिंह बोहरा विजयी भएका छन् । वडा नम्बर ५ मा एमालेका राजेन्द्रबहादुर चन्दले जित हासिल गरेका छन् ।

यस्तै सिगास गाउपालिका ६ मा कांग्रेसका तेजबहादुर साउदले जितेका छन् भने वडा नम्बर ७ मा कांग्रेसकै कर्णबहादुर साउद विजयी भएका छन् । वडा नम्बर ८ मा एमालेका केशव बोहराले जितेका छन् भने वडा नम्बर ९ मा कांग्रेसका कृष्ण धामी विजयी भएका छन् ।

प्रकाशित : जेष्ठ २, २०७९ १४:३६
प्रतिक्रिया
पठाउनुहोस्

दार्चुलाको शैल्यशिखर नगरपालिकामा एमाले विजयी

मनाेज बडु

दार्चुला — दार्चुलाकाे शैल्यशिखर नगरपालिकामा नेकपा एमाले विजयी भएको छ । मेयरमा एमालेका विजयसिंह धामी ४ हजार ५ सय ४४ मतका साथ विजयी भएका हुन् ।

उनका निकटतम प्रतिद्वन्द्वी नेपाली कांग्रेसका अमरसिंह धामीले ३ हजार ९ सय ८ मत प्राप्त गरेका हुन् ।

त्यस्तै उपमेयरमा पनि एमालेकै शान्ति खडायत विजयी भएकी छन् । उनले ४ हजार ६ सय ३५ मत ल्याउँदै विजयी भएकी हुन् । उनकी प्रतिस्पर्धी कांग्रेसकी राजमती बमले ३ हजार ८ सय ५० मत प्राप्त गरिन् ।

२०७४ काे चुनावमा निर्वाचित प्रमुख अमर र उपप्रमुख राजमतिलाई हराउँदै एमालेका मेयर र उपमेयर जित्न सफल भएका छन् । नगरपालिका ९ वडामध्ये वडा नम्बर ६ बाहेक सबै वडामा एमाले विजयी भएको छ ।

प्रकाशित : जेष्ठ २, २०७९ १४:२४
पूरा पढ्नुहोस्
प्रतिक्रिया
पठाउनुहोस्
×