भक्तपुरमा नेमकिपाका प्रजापति र जोशी निर्वाचित
भक्तपुर — भक्तपुर नगरपालिकाको मेयरमा नेपाल मजदुर किसान पार्टी (नेमकिपा) का सुनिल प्रजापति र उपमेयरमा रजनी जोशी निर्वाचित भएका छन् । उनीहरु दोस्रो कार्यकालका लागि निर्वाचित भएका हुन् । भक्तपुरमा नेमकिपाले आफ्नो प्रभावलाई कायम राख्दै मेयर, उपमेयरसहित सबै वडामा प्यानलै जितेको हो ।
मेयर उम्मेदवार प्रजापतिले २९ हजार २५२ मत पाएका छन् भने उपमेयरमा जोशीले २९ हजार ७५९ मत पाएकी छिन् ।
मेयरमा नेपाली कांग्रेसका रामप्रसाद कासुलाले ३ हजार ४०७, नेकपा एमालेका रविन्द्र लाछिमस्युले २ हजार ८४१ मत पाएका छन् ।
त्यस्तै, उपमेयरमा नेकपा एमालेकी रन्जना खर्बुजाले २ हजार ९८८ र नेकपा एकीकृत समाजवादीका ओमचरण अमात्यले १ हजार ७७८ मत पाएका छन् ।
प्रकाशित : जेष्ठ २, २०७९ १२:५६प्रतिक्रिया
