ललितपुरका १२ वडामा कांग्रेस, २/२ वडामा माओवादी र एमाले‍ विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

ललितपुरका १२ वडामा कांग्रेस, २/२ वडामा माओवादी र एमाले‍ विजयी

कान्तिपुर संवाददाता

ललितपुर — जिल्लामा १२ वटा वडामा नेपाली कांग्रेसबाट उम्मेदवारले वडाध्यक्ष जितेका छन् । नेकपा माओवादी केन्द्र र नेकपा एमालेका उम्मेदवारले २/२ वडा जितेका छन् । यसैगरी ललितपुर महानगर १ मा  स्वतन्त्र उम्मेदवार निर्मल तन्डुकारले जित हात परेका छन् ।

गोदावरी नगरपालिकाको १, २, ४ र ५ वडामा क्रमशः राज थापा, मनोहर सिलवाल, सानुभाइ नगरकोटी र मिलन सिलवालले जितेका हुन् । ३ नम्बरमा भने माओवादी केन्द्रमा राज घिमिरे निर्वाचित भएका छन् । महालक्ष्मी नगरपालिका १ मा एमालेका छिरिङ लामा, बागमती गाउँपालिकाको १, २ र ३ मा कांग्रेसले जित हात पारेको छ ।

यसैगरी कोन्ज्योसोम गाउँपालिका १ मा माओवादी केन्द्र, २ मा एमाले, ३ र ४ मा कांग्रेसले जितेका छन् । महांकालको ४, ५ र ६ मा कांग्रेसले जितेका छन् ।

प्रकाशित : जेष्ठ २, २०७९ १२:२२
प्रतिक्रिया
पठाउनुहोस्

भरतपुरमा ११ हजार मत गन्दा एमालेका सुवेदी ५० मतले अगाडि

कान्तिपुर संवाददाता

काठमाडौं — चितवनको भरतपुर महानगरपालिकाको मेयरमा नेकपा एमालेका उम्मेदवार विजय सुवेदीले अग्रता कायम गरेका छन् । उनलाई सत्ता गठबन्धनबाट नेकपा माओवादी केन्द्रकी रेनु दाहालले पछ्याइरहेकी छिन् । जारी मतगणनाको सुरुवातदेखि नै सवेदी र दाहालबीच कडा प्रतिस्पर्धा देखिएको छ । 

सोमबार विहानसम्म ११ हजार ३२८ मत गणना हुँदा एमालेका सुवेदीले ५० मतको अग्रता बनाएका छन् । सुवेदीले तीन हजार ९४४ मत ल्याएका छन् भने दाहालले तीन हजार ८९४ मत पाएकी छिन् । कांग्रेसका बागी उम्मेद्वार जगन्नाथ पौडेलले एक हजार ५७२ मत पाएका छन् ।

उपमेयरमा सत्तारुढ गठबन्धनबाट नेपाली काँग्रेसका उम्मेद्वार चित्रसेन अधिकारीको चार हजार ४७६ मत आएको छ । राप्रपाकी हिमला गुरुङको तीन हजार ७० मत आएको छ ।

भरतपुरमा पाँच दलीय सत्ता गठबन्धनको चुनावी तालमेल छ भने एमालेले राप्रपासँग तालमेल गरेको छ । अहिलेसम्म वडा नं. १, २ र ३ को मतगणना भइसकेको छ ।

वडा नं. १ र २ मा नेपाली कांग्रेसका उम्मेदवार विजयी भएका छन् भने वडा नंं ३ मा नेकपा एमालेका उम्मेदवार विजयी भएका छन् । अब वडा नं. ४ को मतगणना सुरू भएको छ । यहाँका २९ वडामा एक लाख २७ हजार मत खसेको छ ।


प्रकाशित : जेष्ठ २, २०७९ १२:२१
पूरा पढ्नुहोस्
प्रतिक्रिया
पठाउनुहोस्
x
×